Sawltak 6:9 - Tedim Bible

⁹ Tua lai takin Sal Suakta a kici mipawlte akipan Sairin mi leh Alekzandria mi leh Kilikia mi leh Asia mi kimkhatte in a ding uh a, Stefen tawh a kiseel uh hi.

Tedim Bible Revision 2017

⁹ Ahi zongin mi pawl khat in Stefen langpan uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kiseel dingin hong kipan uh hi.

Sawltak 6:9 Referans Kwoze

Sawltak 23:34

Mangpipa in lai a sim ciangin, “Kua gam mi na hi hiam?” ci-in a dot leh, Kilikia gam mi ahih a theih ciangin,

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Mattiu 27:32

A paikhiat lai takun a min Simon kici, Sairin mi khat mu uh a, zawhthawh bawlin Zeisu singlamteh pua dingin a zuisak uh hi.

Galati 1:21

Tua nung ciangin Siria gam leh Kilikia gamah pai-in

Sawltak 21:27

Tua ni sagih a cin’ dek tak ciangin Asia gam Judah mite in biakna innpi-ah Paul a muh uh ciangin,

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Sawltak 18:24

Alekzandria khua mi Apollos min nei, thuhilh siam, Judah mi khat in Efesa khua-ah a tung hi.

Sawltak 16:6

Frigia gam leh Galati gamah a paisuak khit uh ciangun Asia gamah Pasian thu hilh lo dingin Kha Siangtho in a kham hi.

Luka 21:12

Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

1 KORIN MASA 1:20

Lungpil mi koi-ah a om hiam? Laithei mi koi-ah a om hiam? Hih leitung thu kidong thei mi koi-ah a om hiam? Pasian in leitung pilna a haisak hilo ahi hiam?

Sawltak 26:11

Mite in Pasian tungah a pau khialh nadingin thatang hat thu-in hanciamin, kikhopna inn khat pan khat ah tamveipi ka pai hi. Nakpi-in ka heh maninah gamdangte khua dongin amaute ka bawlsia hi.

Sawltak 22:19

Keimah in zong, ‘Topa aw, nangmah hong umte thong sungah ka khum a, kikhopna inn khempeuh sungah ka sat hi ci-in amaute in hong thei uh hi.

Sawltak 21:39

Paul in zong, “Kilikia gam Tarsus khua-a suak, Judah mi ka hi hi. Kei teen’na in khua gina lo ahi kei hi. Hih mite kiangah thu ka gen theih na’ngin thu hong pia in cih kong thuum hi,” a ci hi.

Sawltak 19:26

Hih Paul in, ‘Mi’ khut tawh kibawl Pasian om lo hi,’ ci-in Efesa khua bek hi lo, Asia gam khempeuh ah mi tampi zol a, a uuksak cih na mu uh, na thei uh hi.

Sawltak 13:45

Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Sawltak 6:10

Amaute in Stefen in a zat lungpilna leh Kha Siangtho’ piak kammalte a nial zo kei uh hi.

Sawltak 24:18

Tua hehpihna ka piak lai takin biakna innpi sungah mi kikhawm lo, gamlum lo, siangtho takin ka bawl Asia gam panin a hong pai Judah mi kimkhatte in hong mu uh hi.