Sawltak 6:5 - Tedim Bible

⁵ Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Tedim Bible Revision 2017

⁵ A vekpi-un sawltakteʼ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas le Antiok khua pan Gentail mi ahi Jew biakna a zui Nikolas a teel uh hi.

Sawltak 6:5 Referans Kwoze

Sawltak 11:24

Bang hang hiam i cih leh, Barnabas in mipha hi a, Kha Siangtho leh thu-upna tawh dim a, Topa tawh mi tampi a kibehlap hi.

Sawltak 21:8

zingsang ciangin paikikin Kaisaria khua-ah ka tung uh a, Sagihte laka khat ahi thuhilhsia Filip, innah tungin ka om uh hi.

Sawltak 6:8

Stefen in hehpihna thupha leh vangliatna tawh kidimin mite mai-ah nalamdang a bawl hi.

Sawltak 7:1

Tua lai takin siampi ukpa in, “Hih thu a man hiam?” ci-in a dot ciangin Stefen in,

Sawltak 6:3

Tua ahih ciangin ute naute aw, Kha Siangtho tawh ahi zongin, lungpilna tawh ahi zongin a kidim leh zahtakna a ngah, nomau lakah pasal sagih zong un la, hih na a sem dingin kote in ka koih ding uh hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Sawltak 11:19

Stefen tungah kibawlsiatna thu hangin a kithehthang mite in Foenisia gam leh Saipras gam leh Antiok khua dongin a pai uh a, Judah mite kiang bekah Pasian’ thu a hilh uh hi.

Sawltak 6:10

Amaute in Stefen in a zat lungpilna leh Kha Siangtho’ piak kammalte a nial zo kei uh hi.

Paunak 15:23

A hun mah-a dawn’ pah theihna lungkim huai a, a kilawm kammal tawh dawn’ pah theihna hoihzaw kan hi.

Mangmuhna 2:15

Tua tham loin, Nikolas pawlte thuhilhna a zui mi kimkhat zong tua bangin a om hi.

Mangmuhna 2:6

Nangma tungah a om phatnate in ka muhdah Nikolas pawlte’ gamtatnate kei’ muhdah mah bangin nangmah in zong na muhdahna ahi hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Mattiu 23:15

“A simtat Farisaite aw, note in gimna na thuak ding uh hi. Bang hang hiam na cih uh leh, mi khat na nungzui uh na suahsak nadingun, lei lam leh tui lam na pai kawikawi uh a, na ngeina uh hong zuite, note mah bangin, a nihvei khang dongin hel khua’ ta na suaksak uh hi.”

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Paunak 15:1

Kam neem-a dawn’na in hehna damsak a, kamkhauh in hehna piangsak hi.

Piancilna 41:37

Hih a thugen pen Faro leh a nasem khempeuhte in hoih sa uh hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 22:20

Nangma teci Stefen’ si a kibuak lai takin, a kiangah ding-in ka thukim tham loin, a that mite’ puan ka cing hi,’ ci-in ka gen ciangin,