Sawltak 6:4 - Tedim Bible

⁴ Kote ka hih uh leh, thungetna, leh thugenna ka hih niloh ding uh hi,” a ci uh hi.

Tedim Bible Revision 2017

⁴ Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

Sawltak 6:4 Referans Kwoze

Sawltak 1:14

Tua mi khempeuhte in Zeisu’ nu Mari a kipan numeite leh Zeisu’ sanggamte tawh lungsim kikhatin thu a ngen niloh uh hi.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.

Kolose 4:17

Arkhippas kiangah zong, “Nangmah in Topa’ khut sungah na ngah nasepna na zawh khit nadingin ciamteh in,” ci-in na gen un.

Kolose 2:1

Note leh Laodikia khuamite-a kipan kei maitang mu ngei lo mi a om khempeuhte in, ki-itna tawh kipawlin Khazih ahi Pasian’ thu thukpi thei-in up khialhna om lo pilna hauhnate tawh dimin, lungsim kihehnep nadingin bang zaha lian kidemna, kidona ka thuak thu note ka hong theisak nuam hi.

1 KORIN MASA 9:16

Lungdamna Thu ka hilh manin kisaktheih nading thu om lo hi. Bang hang hiam na cih uh leh, thu hilh loin ka om thei kei hi. Thu ka hilh kei leh, gimna ka thuak hi.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Luka 1:23

Siampi nasepna a bei ciangin Zekhariah innah a ciah hi.