Sawltak 6:15 - Tedim Bible

¹⁵ Vaihawmna sungah a tu mi khempeuh in Stefen a tel takpi a et uh ciangin ama maitang in vantungmi’ maitang tawh a kibat lam a mu uh hi.

Tedim Bible Revision 2017

¹⁵ Ulian kikhopna sunga a kihel mi khempeuh in Stefen en uh a, a maitang pen vantungmi maitang tawh kibang hi, ci-in a mu kim uh hi.

Sawltak 6:15 Referans Kwoze

Mattiu 13:43

Tua lai takin miphate in amau Pa’ Gam sungah ni bangin a taang ding uh hi. Zak nading bil a nei teng in na za ta un!”

Thuhilh-sia 8:1

Mipilte bek in na akhiatna taktak theithei uh hi. Pilna in mipilte maitaisak a, a hehmai bei sak hi.

Mattiu 17:2

amaute mai-ah a meel kilamdang a, a maitang ni bang tang a, a puan in khuavak tawh kibangin a ngo hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Marka 8:25

Tua lai takin Zeisu in a khut khatvei a mittang ah nga kik a, tua pa in tel takpi a et kik ciangin dam a, na khempeuh tel takin a mu thei hi.

Sawltak 7:1

Tua lai takin siampi ukpa in, “Hih thu a man hiam?” ci-in a dot ciangin Stefen in,