Sawltak 6:1 - Tedim Bible

¹ Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Tedim Bible Revision 2017

¹ Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tui dawn, sumlepai hawmna ah ka meigong numeite uh hong kipiaksak lo hi,” ci-in lungkim lo uh hi.

Sawltak 6:1 Referans Kwoze

Sawltak 4:35

Sawltakte’ khe mai-ah koih uh a, mikim in a sapna tawh kituakin a vekpi-un a hawm ciat uh hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Jeim 5:9

Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

Sawltak 9:39

Piter tho a, amaute tawh paikhawm hi. A tun’ ciangin dei tungnung sungah a paipihto uh hi. Meigong khempeuh a kiangah a ding uh a, kapin, Dorkas in amaute tawh a omkhawm lai taka a bawlsa puan-akte leh puante a lak uh hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 2:47

Mi khempeuh mai-ah maipha a ngah uh hi. Gupna a ngah mite zong ni simin Pasian in a kibehlapsak hi.

Filippi 3:5

Keimah in ni giat ni-in vun-atna ka thuak hi. Israel mi Benjamin’ suan ka hi hi. Hebru mi pana piang Hebru mi taktak ka hi hi. Thukham lam pan ci leeng Farisai mi ka hi hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 9:41

Ama mit hak a, Piter a muh ciangin tho-in, a tu hi. Piter in a khut lenin a din’sak khit ciangin misiangthote leh meigongte sam a, Dorkas a nungta-in a lak hi.

Sawltak 9:29

lau loin Zeisu’ min tawh thu hilh a, Grik Judah mite tawh thu kinialin a om hi. Tuate in Saul thah nading a zong uh hi.

Sawltak 5:14

Tua bangin thu-um mi pasal leh numei tampi in Topa tawh a kibehlap uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Hebru 13:1

Ute naute ki-itna kip ta hen.

2 KORIN NIHNA 11:22

Amaute in Hebru mi ahi uh hiam? Kei in zong ka hi hi. Amaute in Israel mi ahi uh hiam? Kei in zong ka hi hi. Amaute in Abraham’ suan ahi uh hiam? Kei in zong ka hi hi.

Sawltak 2:45

Amaute in a neih a lamte uh a zuak khit uh ciangin mite’ kisapna bangin a hawmsak uh hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Isaiah 27:6

Hong pai ding hunte sungah Jakob in zung kha ding a, Israel palhin dawnkhia ding a, leitung khempeuh gah tawh dimsak ding hi.

Isaiah 1:17

gamtat hoih ding kisin un; thumanin gamta un la, nenniamna kheel un; pa nei lote huu un la, meigong numei pan’pih un.

Late 72:16

Gam sungah an tampi piang hen la, mualliante dawn-ah dim mema-in Lebanon gam sung bang hen la, gam lak-a lopate bangin khuapite sung panin mite pung ta uh hen!

Jeim 4:5

Lai Siangtho’ thu in: “Eite sunga teeng Kha Siangtho in eite hong aam mahmah hi,” a cihna in a mawkna ahi ci-in na um uh hiam?

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

1 TIMOTI MASA 5:9

Meigongnu in kum sawmguk a phak kei leh, a min na khum kei in. Amah in pasal khat a nei ngei,

1 KORIN MASA 10:10

Tuate kimkhat in kihhuaina a bawl uh a, a susia vantungmi’ khut sungah a kisiat uh bangin eite in kihhuaina bawl kei ni.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

JOB (Job) 31:16

“Mizawngte ka huhkhial ngei kei a, meigong numeite ka guaksuaksak ngei kei hi.

JOB (Job) 29:13

A lungkham a cimawhte in kei hong phat uh a, meigong numeite lungnuamin ka omsak hi.

Thu-hilhkikna 26:12

“Sehsawm suah sehkhat piak kum ahi a kum thumna kumin, amaute in na khuapite uh sungah an ne-in gilvahin a om theih nadingun Levi mite, peemtate, pa nei lote, leh meigong numeite tungah na piak uh, na khawhsa uh sehsawm suah sehkhat na piak khit uh ciangin,

Sawltak 6:2

Tua ciangin Sawm-le-nihte in nungzui mihonpite a sap khit uh ciangin, “Kote in Pasian’ thu nusia-in anneek sabuai nasep ding pen kilawm lo hi.

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

ROM (Romans) 12:7

Nasepna za i ngah leh, tua na sem ni. Thuhilh mi in thuhilh na sem ta hen.

1 TIMOTI MASA 5:3

Meigong taktak ahi numeite na zahtak in.