Sawltak 5:5 - Tedim Bible

⁵ Ananias in tua thute a zak ciangin pukin a si hi. Tua thu a zate khempeuh in nakpi-in a lau uh hi.

Tedim Bible Revision 2017

⁵ Ananias in hih thu a zak phetin thakhatin si-in puk suk pah a, hih thu a za mi khempeuh a lau mahmah uh hi.

Sawltak 5:5 Referans Kwoze

Sawltak 2:43

Mi khempeuh a lau uh a, sawltakte in nalamdang tampi leh lim tampi a bawl uh hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Mangmuhna 11:5

Mi khatpeuh mah in amaute tungah gimna a bawl nop leh, amaute kam sungpan mei pusuakin a galte a kangtum thei hi. Mi khatpeuh in tua bang gimna a bawl nop leh, tua bangin thahna a thuak ding hi.

2 KORIN NIHNA 13:2

Khat vei kong tun’ ciangin ka hong dawm kei ding hi ci-in a masa-a mawh neite-a kipan a om lai mite khempeuh kiangah nidang a, ka gen tham loin, tu-in zong no tawh ka omkhawm loh hangin, nih veina-a omkhawm lai mah bangin khat vei kong genkhol hi.

2 KORIN NIHNA 7:11

Pasian’ deihna tawh kituak note dahna in note sungah bang ci bang phawkna, bang ci bang mawh kiphelna, bang ci bang hehna, bang ci bang launa, bang ci bang lunggulhna, bang ci bang deihna lungsim, bang ci bang thuman tawh daan piak thu-a bawlphatna ci-in en ta un. Note in hih thu sung pan mawhsakna tawh na kipelh uh hi ci-in na khempeuh hangin na lak zo uh hi.

1 KORIN MASA 4:21

Koici bang deih na hi uh hiam? Ciangduai tawi-in note kiangah hong pai ding ka hi hiam? Ahih kei leh, itna lungsim leh lungnemna lungsim tawh hong pai ding ka hi hiam?

Sawltak 13:11

Tu-in na tungah Pasian’ khut om ding a, ni mu loin tawlkhat na mit taw ding hi,” a cih ciangin thakhatin meii leh khuamial in a tungah tung a, a khut kilenin a paipih dingin mi kawi zon’in a om hi.

Sawltak 5:13

Midangte khat beek in a pawlpih ngam loh uh hangin mite in amaute a phat uh hi.

Ezekiel 11:13

Tua bangin mailam thupiang ding genin ka om lai takin Benaiah’ tapa Pelatiah hong din’sih hi. Kei zong lei-ah bok sukin ka kiko a, “Topa Pasian aw, Israel gam sunga a om lai mi khempeuh thah khit sawm na hi hiam?” ka ci hi.

Jeremiah 5:14

Tua ahih manin Topa, a vanglian Pasian in hong gen-inah: “Amaute in tu-a bangin gen uh ahih manin na kam sunga mei banga ka kuan’sak ka thute in sing tawh kibang hih minamte kangtum zaw ding hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Late 64:9

Tua ciangin mi khempeuh lau ding uh hi; amaute in Pasian hihsa thute gen ding uh a, ama hihsate ngaihsunsun ding uh hi.

1 KHANG TANGTHU MASATE 15:13

A masa lai-in no Levi mite na om kei uh a, a kisehsa bang danin kem lo i hih manin eite tungah Topa i Pasian hong hehin daan hong pia hi, a ci hi.

1 KHANG TANGTHU MASATE 13:12

Tua ni-in David in Pasian kihta hi; amah in, “Pasian’ thuciamna singkuang kei kiang innah bangci ciahpih theih ding ka hi hiam?” a ci hi.

2 KUMPI NIHNATE 2:24

Tua ciangin amah a kiimah kihei a, amah in amaute a muh ciangin Topa’ min tawh amah in amaute samsia hi. Tua ciangin gamlak panin vom a pi nih hong pai-in naupang sawmli-le-nih balgawp hi.

Joshua 22:20

Zerah’ tapa Akhan in a ki-ap nate-ah khialin Israel mihon khempeuh tungah hehna hong tung hilo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.

Thu-hilhkikna 21:21

Tua ciangin khuapi pasal khempeuh in suang tawh amah denglum ding uh hi; tua bangin note sung panin siatna na siangsak ding uh hi; Israelte khempeuh in za-in lau ding uh hi.

Thu-hilhkikna 13:11

Tua ciangin Israelte khempeuh in za-in, lau ding uh a, hih banga gitlohna note lakah bawl kik ngei nawn lo ding uh hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

2 KORIN NIHNA 13:10

Tua ahih ciangin a kiphel khiatsuk nading hi lo, a kilam nadinga Topa in kei hong piak thuneihna thu a om mah bangin, kong tun’ ciangin nakpi-a kong bawl loh nadingin no tawh ka omkhawm loh lai takin hih thu kong gelh hi.