Sawltak 5:42 - Tedim Bible

⁴² Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Tedim Bible Revision 2017

⁴² Nisimin biakinn sung le mite inn ah thu hilh uh a, Jesu, Khris hi, cih Lungdamna Thu a gengen uh hi.

Sawltak 5:42 Referans Kwoze

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

Sawltak 8:35

Filip in kam ka a, tua Lai Siangtho pan akipan Zeisu thu a gen hi.

Luka 21:37

Zeisu in ni simin biakna innpi sungah thu hilh a, nitak simin paikhia a, Oliv kici mualah a giak hi.

Sawltak 17:3

Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

Sawltak 4:29

Tu-in Topa aw, amau tawn’na thu na ciamteh in la, cinatna a damsak nadingin na khut na zan lai takin na silate in,

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.

1 KORIN MASA 2:2

Bang hang hiam na cih uh leh, note lakah ka om lai takin Zeisu Khazih’ thu leh ama singlamteh thu longal, thudang ka ngaihsut loh nadingin ka lungsim ka hanciam hi.

Sawltak 17:18

Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 8:5

Filip in Samaria khua-ah pai-in Khazih thu a gen hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

2 SAMUEL NIHNA 6:22

Hih sangin a simmawhhuai zaw-in ka kibawl lai ding a, nangma mit-ah a gina lo ka hi ding hi; ahih hangin nangma gen numeite in keimah hong pahtawi ding uh hi,” a ci hi,

Sawltak 13:32

‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

Galati 1:16

a Tapa’ Lungdamna Thu Gentailte kiangah hilh dingin, ama deihna tawh kituakin ama Tapa kei sungah a kilatsak ciangin, keimah in si-le-sa tawh vaihawm loin,