Sawltak 5:40 - Tedim Bible

⁴⁰ Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

Tedim Bible Revision 2017

⁴⁰ Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:40 Referans Kwoze

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

2 KORIN NIHNA 11:24

Nga vei dongin Judah mite’ khut sungah sawmli-ah khat a kiam satna ka thuak zo hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Paunak 12:10

Midikte in a gannote hoihtak don a, migilote in a gannote bawlsia hi.

Luka 20:10

A hun a cin ciangin lo khawhlawhte in leenggah a piak nadingin ama nasemte khat a sawl hi. Tua lo khawhlawhte in a nasempa satin khut guak tawh a ciahsak uh hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” ci uh hi.

Amos 2:12

Ahi zongin note in Nazir mite, leenggahzu na dawnsak uh a, kamsangte in ka thu a genloh nadingun thu na pia uh hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.