Sawltak 5:36 - Tedim Bible

³⁶ Bang hang hiam na cih uh leh, tuma-in Thudas kici mi khat tho a, ‘Kei in mi mawk ka hi kei hi’ ci-in mi zali bang in a belh khit uh ciangin amah kithat a, ama thu umte khempeuh kikhen thangin a kisia uh hi.

Tedim Bible Revision 2017

³⁶ Tu ma lam tawl khat lai-in Thudas a kici mi khat hong khang hi. Mi lian khat ka hi hi, ci-in gen a, mihing za li ding bang in amah pawlpih uh hi. Ahi zongin amah kithatin, a nungzui khempeuh kithehthang a, ama vai bei ta hi.

Sawltak 5:36 Referans Kwoze

Sawltak 8:9

Simon min nei mi khat in tua khua sungah mitphial dawi bawlin, “Kei zong milian khat ka hi hi,” ci-in Samaria mite lamdang a sasak ngei hi.

2 PETER NIHNA 2:2

Amau kihhuai gamtatnate mi tampi in mangin, thuman thutak lampi kosiatna a thuaksak ding uh hi.

Mangmuhna 17:5

A taltang tungah, thu thukpi, “Leitungah a om Numei Gilote leh leitung Kihhuainate’ Nu Babilon Khuapi,” ci-in a min kigelh hi.

Juda 1:16

Tua mite in phunin a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amau noptuamna ngaihsunin mi maitang a zahtak thei mi ahi uh hi.

Galati 6:3

Bang hang hiam na cih uh leh, mi khat in bangmah ahi lo napi-in na khat peuhpeuh ka hi ci-in a ki-up leh, tua mi in ama pumpi a kheem hi.

Galati 2:6

Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Sawltak 21:38

Nang in, nidang lai-inah mi suam ding hansuahin, a suamte tuili gampa lakah a paipih Izipt mi hilo na hi hiam?” ci-in a dong hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mangmuhna 17:3

Tua lai takin amah in Kha Siangtho tawh keimah gam lakah hong paipih a, Pasian tungah paukhialhna min a dim, lutang sagih leh ki sawm a nei, sahang san tungah tu-a a om numei khat ka mu hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Mattiu 24:26

Tua ahih ciangin, amaute in, ‘Khazih gam lakah a om hi,’ hong cih uh hangin pai kei un. ‘Inndei sungah a om hi,’ hong cih uh hangin um kei un.

Mattiu 24:5

Bang hang hiam na cih uh leh, mi tampi in, ‘Kei Khazih ka hi hi,’ ci-in keima min tawh hong pai-in mi tampi a khem ding uh hi.

Sawltak 5:35

“Israel mite aw, hih mite tungah bang bawl sawm na hi uh hiam na kikem un.