Sawltak 5:34 - Tedim Bible

³⁴ Tua lai takin mi khempeuh in a zahtak uh Pasian’ Thukham sia ahi Gamaliel, Farisai khat in vaihawmna lakah ding-a sawltakte pua lamah tomkha sung pusuak sak dingin thu a piak khit ciangin,

Tedim Bible Revision 2017

³⁴ Ahi zongin amaute sung panin Farisi mi Gamaliel, Thukham hilh sia khat ahi, mi khempeuh in zong a zahtak bawl mipa khat hong dinga, tawl khat sung sawltakte a kipusuah pih nadingin thu pia a,

Sawltak 5:34 Referans Kwoze

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Luka 5:17

Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Sawltak 4:15

Sawltakte vaihawmna pan a paikhiat ding uh thu a piak khit uh ciangin,

Jeremiah 26:16

Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Jeremiah 26:17

Gamsung upa pawlkhat in zong, ding-in tua a kikhawm mi khempeuhte kiangah,

Jeremiah 36:25

Elnathan leh Delaiah leh Gemariah te in kumpipa’ kiangah laizial a hal loh nading a khoh uh hangin amah in a mang kei hi.

Johan 3:10

Zeisu in, “Nang in Israelte’ siapa na hi napi-in, hih thute thei lo na hi hiam?

Sawltak 5:21

Amaute in tua thu a zak uh ciangin a zingsang tungin biakna innpi sungah a lut uh a, thu a hilh uh hi. Pasian’ siampi ukpa leh amah tawh kipawlte hong pai uh a, upa vaihawmte akipan Israel upate khempeuh a kikhopsak khit uh ciangin, sawltakte hong paipih dingin thong sungah mi a sawl uh hi.

Sawltak 5:27

A paipih uh ciangin upa vaihawmte mai-ah a koih uh a,

Sawltak 5:35

“Israel mite aw, hih mite tungah bang bawl sawm na hi uh hiam na kikem un.