Sawltak 5:33 - Tedim Bible

³³ Amaute in hih thu a zak uh ciangin lungsim kitamkhia dektak zahin heh uh a, sawltakte that dingin khat leh khat a kikum uh hi.

Tedim Bible Revision 2017

³³ Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Sawltak 5:33 Referans Kwoze

Sawltak 7:54

Amaute in hih thu a zak uh ciangin a lungso uh a, Stefen tungah a ha a gawi uh hi.

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Sawltak 22:22

Hih thute a gen khit dongin amaute in a ngai uh hi. Tua ciangin, “Hih bang mipa, leitung pan paaikhia mang un’. Amah a hing dingin a kilawm kei hi!” ci-in nakpi-in a kiko uh hi.

Sawltak 9:23

Ni tampi a sawt khit ciangin Judah mite in Saul thah ding a vaihawm uh hi.

Johan 15:20

‘Sila in a topa sangin lianzaw kei,’ ci-in ka gensa thu na ngaihsun un. Amau in kei hong bawlsia uh ahih manin note zong hong bawlsia ding uh hi. Amau in kei thu zui le-uh, note thu zong a zui ding uh hi.

Luka 20:19

Tua lai takin laitheite leh siampi liante in Zeisu mat dingin a zon’ uh hangin mite a kihta uh hi. Bang hang hiam i cih leh, amau cihna-a hih thugentehna a gen ahih lam a thei uh hi.

Luka 6:11

Ahih hangin amaute heh mahmah uh a, Zeisu tungah, “Bangci i hih ding hiam?” ci-in khat leh khat a kikum uh hi.

Mattiu 1:19

A lawmpa Josef in mi lungsim pha ahih maninah Mari mindaisak nuam loin, maksim ding a lungngai hi.