Sawltak 5:20 - Tedim Bible

²⁰ “Note pai un la, biakna innpi sungah ding un la, hih Nuntakna thu mite kiangah va hilh un,” ci-in thu a pia hi.

Tedim Bible Revision 2017

²⁰ “Biakinn ah pai unla, hih nuntak thakna thu mite kiangah va gen un,” ci-in a vaikhak hi.

Sawltak 5:20 Referans Kwoze

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

Sawltak 11:14

Tua pa in nangmah leh na innkuanpihte gupna na ngah nadingun hong hilh ding hi,’ hong ci hi’ ci-in hong gen hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 12:50

Ama hong thupiakna in nuntak tawntungna ahi hi ci-in ka thei hi. Tua ahih ciangin ka hilhna teng Pa in keima kiangah hong piak bangin a hilh ka hi hi,” ci-in a kiko hi.

Jeremiah 36:10

Tua ciangin Topa’ biakinn sung, a Kongpi Thak tumna gei, adei tungnunga Shafan’ tapa thuvan pipa Gemariah’ inndei sungah mi khempeuh’ zak-in Baruk in laizial sunga Jeremiah’ kammalte a simkhia hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 7:2

Topa’ biakinn kongkhakpi kiangah ding in la, hih thu teng va tangko in: Topa bia ding-a kongkhak sung-a hong tum Judah mite aw, Topa’ kammal ngai dih un.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Ezekiel 33:7

“Ezekiel aw, tu-in Israel mi nam khempeuhte’ galvilpa dingin nang kong koih hi. Nang tungah kong piak hilhkholhna khempeuh amaute tungah na gen sawn ding hi.

Mattiu 10:27

Khuamial lakah no kiangah ka gennate, khuavak lakah na gen un. Na bil sung uhah kong gennate, innkhum vumah kiko-in na gen un.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.