Sawltak 5:2 - Tedim Bible

² a zi tawh lungsim kituakin a man kimkhat seel-in, kimkhat hong paipih khit uh ciangin, sawltakte’ khe kiangah a koih uh hi.

Tedim Bible Revision 2017

² ahi zongin a zi tawh thukimin a sumte pawl khat im-in, a dang teng sawltakte kiangah a va ap hi.

Sawltak 5:2 Referans Kwoze

Sawltak 4:37

Levi pawl, Saipras mi khat in lo nei a, a zuak khit ciangin a dangka ngah teng hong paipih a, sawltakte’ khe kiangah a koih hi.

Sawltak 5:3

Piter in, “Ananias aw, nang in Kha Siangtho kheem a, lei na zuak a man kimkhat na seel nadingin Satan in nang lungsim bang tawh hong dimsak hiam?

Johan 12:6

Tua bang a cih in mizawngte phattuamna ding ngaihsun hi lo hi; amah in gutapa hi a, dangka-ip tawi ahih ciangin, a sunga omsa teng sawk thei ahih hang hi.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing hong pia mi khempa in samsiatna thuak ta hen. Bang hang hiam cih leh keimah in a lian mahmah Kumpipa ka hi a, minam khempeuh in kei hong zahtak uh hi,” a ci hi.

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

Sawltak 2:44

Thu-um mi khempeuh pawlkhat bekin a om uh a, amaute neihsa khempeuh gawmin a zangkhawm uh hi.

Sawltak 5:1

Ahih hangin Ananias leh a zi Sapfira min nei nupa khat in a neihsa kimkhat a zuak khit uh ciangin,

Sawltak 5:8

Piter in, “Hi zah tawh na lo zuak na hi hiam? Hong gen in,” ci-in a dot ciangin amah in, “Ahi mah hi, hih zah tawh ka zuak uh hi,” a ci hi.