Sawltak 5:16 - Tedim Bible

¹⁶ Jerusalem kimkot khuate panin mi tampite in cina khempeuh leh dawi bawlsiatte hong paipihin a kikhawm uh a, tua micinate khempeuh in damna a ngah kim uh hi.

Tedim Bible Revision 2017

¹⁶ Jerusalem khua kiim a om khuapite panin mite hong pai-in, cinate le dawivei mite hong paipih uh a, a vekpi-in damna a ngah uh hi.

Sawltak 5:16 Referans Kwoze

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Luka 9:11

Mihonpite in a theih uh ciangin a delh uh hi. Zeisu in amaute hawlkhia loin Pasian’ Gam thu hilh a, dam nading a deihte a damsak hi.

Luka 5:17

Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Mattiu 8:16

Nitak ciangin a sungah dawi lut tampi Zeisu kiangah hong paipih uh a, thu khat bek tawh dawi a hawlkhia a, cinate khempeuh a damsak hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

1 KORIN MASA 12:9

Tua Kha Siangtho tawh mi khat kiangah thu upna a pia hi. Tua Kha Siangtho tawh mi khat kiangah cina damsak theihna a pia hi.

Mattiu 2:16

Herod kumpipa in mi pilte’ khemna a theih ciangin a thangpai mahmah a, mite sawl a, mipilte kiangah a tel taka a dot hun tawh kizui-in Bethlehem khua-a kipan khua kimah a om kum nih nuaisiah pasalno khempeuh a thatsak hi.

Sawltak 5:15

Tua ahih ciangin Piter lam a pai lai takin khatpeuh peuh ama liim in a liah nadingin, mi cinate a puakhia uh a, a lupna puan tungah lam kiangah a koih uh hi.

Sawltak 5:17

Tua lai takin siampi ukpa leh amah tawh a kipawl Saddusi mite khempeuh a ding uh a, hazatna tawh a dim uh hi.

Luka 6:18

A kihhuai dawi’ bawlsiatna a thuak mite in zong cidamna a ngah uh hi.