Sawltak 5:14 - Tedim Bible

¹⁴ Tua bangin thu-um mi pasal leh numei tampi in Topa tawh a kibehlap uh hi.

Tedim Bible Revision 2017

¹⁴ Topaʼ thu a um numei pasal tampi tak hong kibeh laplap uh hi.

Sawltak 5:14 Referans Kwoze

Sawltak 2:47

Mi khempeuh mai-ah maipha a ngah uh hi. Gupna a ngah mite zong ni simin Pasian in a kibehlapsak hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

Sawltak 22:4

Hih lampi a zui numei leh pasal henin, thong sungah khumin, a sih dongin ka bawlsia hi.

Sawltak 9:42

Tua thu in Joppa khua-ah kithei khin a, mi tampi in Topa a um uh hi.

Sawltak 9:35

Lidda khua akipan Saron gamah a om mi khempeuhte in tua pa a muh uh ciangin Topa kiangah a kihei uh hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Sawltak 8:12

Filip in Pasian’ Gam leh Zeisu Khazih’ minin Lungdamna Thu gen a, tua mite in a up uh ciangin numeite leh pasalte a kibaptaiz uh hi.

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Nehemiah 8:2

Tua hi a, a kha sagihna a ni khat ni-in numei pasal, leh thu telthei ding a kikhawm khempeuh’ mai-ah siampi Ezra in thukham laibu hong paipih hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ inn mai-ah kunin a om lai takin Israel mi numei, pasal, naupang, mi tampi tak ama kiim-ah hong kikhawmin amaute khempeuh zong nakpi takin a kap uh hi.

2 SAMUEL NIHNA 6:19

Israel mihon buppi, mi khempeuh, numeite leh pasalte tungah anlum pheng khat, sa baak khat, leh leenggahkeu pheeng khat pia ciat hi. Tua ciangin mi khempeuh a inn ciat uh ah ciah uh hi.

Paikhiatna 35:22

Tua ahih ciangin pasalte leh numeite, amaute hong pai uh hi; utna lungsim a neite khempeuh in tukkilhte, bilbahte, min gelhna zungbuhte, leh banbuhte ahi kham tawh a kibawl na namkim hong paipih uh a, a milip in Topa' tungah kham tawh piakna ap uh hi.

Sawltak 11:24

Bang hang hiam i cih leh, Barnabas in mipha hi a, Kha Siangtho leh thu-upna tawh dim a, Topa tawh mi tampi a kibehlap hi.

2 KORIN NIHNA 6:15

Khazih in Belial tawh bang ci kilem theih ding hiam? Thu-umte leh thu-umlote in bangci ngah khawm thei ding hiam?