Sawltak 4:31 - Tedim Bible

³¹ Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Tedim Bible Revision 2017

³¹ Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

Sawltak 4:31 Referans Kwoze

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Isaiah 65:24

Amaute in hong sap ma-in ke’n ka dawng ding a, thu a gen laitakun ka za ding hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Sawltak 2:2

Tua lai takin huihpi nung bangin vantung panin awging khat thakhatin hong suak a, amau tutna inn a dim sak hi.

Sawltak 4:29

Tu-in Topa aw, amau tawn’na thu na ciamteh in la, cinatna a damsak nadingin na khut na zan lai takin na silate in,

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Filippi 1:14

Topa sungah a om ute naute lak pan a tampite in kei thuak khau kikhihna hangin thu-upna ah lungkimin lau loin, Pasian’ Thu a hilh ngam semsem uh hi.

Sawltak 2:1

Pentekost pawikham ni a tun’ ciangin amaute khempeuh mun khatah a omkhawm uh hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.