Sawltak 4:29 - Tedim Bible

²⁹ Tu-in Topa aw, amau tawn’na thu na ciamteh in la, cinatna a damsak nadingin na khut na zan lai takin na silate in,

Tedim Bible Revision 2017

²⁹ Tua ahih ciangin Topa aw, amaute in kote hong tawnnate thei inla, nangma nasem kote in lungsim han mahmahna tawh nangma thu ka gen theih nadingun hong huh in.

Sawltak 4:29 Referans Kwoze

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

Filippi 1:14

Topa sungah a om ute naute lak pan a tampite in kei thuak khau kikhihna hangin thu-upna ah lungkimin lau loin, Pasian’ Thu a hilh ngam semsem uh hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Sawltak 28:31

Nawngkaina khat beek om loin, nop takin Pasian’ Gam thu gen a, Topa Zeisu Khazih’ thu a hilh hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 9:27

Ahih hangin Barnabas in Pasian’ sawltakte kiangah Saul paipihin, amah in lampi-ah Zeisu a muhna thu ahi zongin, amah tawh a kihona thu ahi zongin, Damaskas khua-ah Zeisu’ min tawh lau loin thu hilhna thu ahi zongin a gen hi.

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.

Sawltak 4:21

Amaute in mihonpi hangin Piter leh Johan mawhna daan piak na’ng thu a ngah loh uh ciangin, khatvei a tawn’ kik khit uh ciangin a khah uh hi. Bang hang hiam i cih leh, hih bawlna thu hangin mi khempeuh in Pasian’ min a phat uh hi.

Daniel 9:18

Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Sawltak 26:26

Bang hang hiam na cih leh, kumpipa mai-ah ka gen ngam hih thute kumpipa in a thei hi. Hih thu a thei lo khat beek a om kei hi ci-in ka sin sungah ka um hi. Bang hang hiam na cih leh, hih thute a kilang lo-na munah kibawl ahi kei hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Kah la 5:1

Topa aw, kote tunga, thupiangte hong phawk in. Hong en in la, ka maizumna uh hong mu in.

Kah la 3:50

vantung panin Topa in hong en sukin a hong muh matengin;

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Sawltak 9:28

Saul in amaute tawh Jerusalem khua-ah omkhawm a, a pai zel, a ciah zel a,

2 KORIN NIHNA 3:12

Tua bang muan’na ka nei uh ahih ciangin kote in im loin a tel takin ka hilh uh hi.

1 KORIN MASA 14:13

Tua ahih ciangin pau namtuam a gen mi in a khiatna zong a gen theih nadingin thu ngen hen.