Sawltak 4:28 - Tedim Bible

²⁸ sathau na nilhsa na Sila siangtho Zeisu tungah hih ding a kikhawm takpi uh hi.

Tedim Bible Revision 2017

²⁸ Nangmah in na deihna bangin a piang dingin na vangliatna tawh na khensat sa thu khempeuh a sem dingin amaute kikhawm uh hi.

Sawltak 4:28 Referans Kwoze

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Piancilna 50:20

Note in ahih leh, kei’ tungah a sia dingin na ngaihsun uh hi; ahih hangin Pasian in tu ni hun-a mah bangin mi tampite a nuntak theihna a pian’ nadingin a hoih dingin a ngaihsut ahi hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Luka 22:22

Mihing Tapa in a kisehkhol mah bangin a pai ding hi. Ahih hangin amah a lehheekpa in gimna a thuak ding hi,” a ci hi.

Mattiu 26:54

Tua bang ahih leh, hih bang a piang ding hi, ci-a Lai Siangtho sungah a om bangci a tung ding hiam?” a ci hi.

Isaiah 40:13

Kua in Topa’ lungsim tel a, thu lamlakpa bangin kua in amah hilh ahi hiam?

Isaiah 28:29

Hih zong Vanglianpen Topa’ kiang pan a, hong pai thu ahi hi; amah pen thu lamlahna-ah lamdang a, pilna-ah lian mahmah hi.

Paunak 21:30

Pilna, theihna, thugennate in, Topa’ mai-ah bangmah man lo hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

JOB (Job) 12:13

“Pasian in pilna leh vangliatna nei a, amah thukip-in thu theitel hi.

Isaiah 14:24

Vanglianpen Topa kiciam khin a: “Ka geelsa bangin piang ding a, ka ngimsa bangin kip ding hi,

Isaiah 37:26

‘Sawt pek-a kipan ka sehsa hi a, ka geelsa ahih lamtak za lo na hi hiam? Nang in khuapi muanhuaite siasakin suang kiciang bang na suahsak nading, a sunga teeng mite a thahatna uh bei-in, lungkia-in a om mawk nading leh amaute pen, lo lai-a kungnote leh lopa ngeekte, innkhum zang a, a po, a khan’khit ma-a a keutum lopate tawh a kibat nading, tu huna ka tun’sak thute pen tang lai pek pan-a ka ngaihsutna ahi hi.