Sawltak 4:26 - Tedim Bible

²⁶ ‘Topa leh ama Khazih do dingin Leitung kumpite ding uh a, Gam-ukte in a kikhawm uh hi,’ci-in Kha Siangtho tawh nang in ka pa uh David’ kamin na cih mah bangin,

Tedim Bible Revision 2017

²⁶ Topa le ama Khris a do dingin leitung kumpite kithawi uh a, gam ukte kikaikhawm uh hi,’ ci hi.

Sawltak 4:26 Referans Kwoze

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Hebru 1:9

Nang in dikna thu na deih a, Gitlohna thu na mudah hi; Tua ahih ciangin nangma Pasian ahi Pasian in, Nangma lawmte khempeuh sangin Nang hong pahtawi zaw-in, Lungdamna sathau tawh hong nilh zo hi,” a ci hi.

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Mangmuhna 17:17

Bang hang hiam na cih uh leh, amau lungsim kibang uh ahih theih nading ahi zongin, Pasian’ thute a kicingsak dongin, amaute gam sahang tungah ap ding ahi zongin, amau lungkim ding ahi zongin Pasian in ngaihsutna a pia hi.

Mangmuhna 12:10

Vantung pan nakpi aw khat in: “Tu-in eite Pasian’ gupna-a kipan vangliatna, gam leh ama Khazih’ ukna aana a hong tung zo hi. Bang hang hiam i cih leh, i ute i naute, i Pasian mai-ah sun tawh zan tawh a mawhsak mi in khiatsukna a thuak zo hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Late 2:1

Bang thu hangin minamte in siat nading ah kithukhat sim a, mite in a mawk nading sawmsim uh hiam?

Isaiah 7:7

Topa Pasian in hih bangin ci hi: Tua thu pen kip lo ding a, hong tangtung lo ding hi.