Sawltak 4:19 - Tedim Bible

¹⁹ Piter leh Johan in, “Topa’ thu sangin note’ thu ngaih ding Pasian mai-ah a kilawm zaw hiam, kilawm lo zaw hiam cih note in thu na khen ta un.

Tedim Bible Revision 2017

¹⁹ Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Sawltak 4:19 Referans Kwoze

Sawltak 5:29

Piter leh adang sawltakte in, “Mi’ thu sangin Pasian’ thu ka man’ ding uh a kilawm zaw hi.

Paikhiatna 1:17

Ahih hangin naudomte in Pasian zahtak uh a, Izipt kumpipa in amaute a thupiak bangin gamta lo uh hi, nau pasalte nungtasak uh hi.

1 KORIN MASA 10:15

Lungpil mi kiangah ka gen mah bangin note kiangah kong gen hi. Ka thu na ngaihsun un.

1 TIMOTI MASA 2:3

Tua bang hihna in hihna pha hi a, eite hong Honpa Pasian’ deihna tawh kituak ahi hi.

Johan 7:24

Maitang zahtakna tawh thu na khen kei un; aman takin thu na khen un,” a ci hi.

1 KUMPI MASATE 22:14

Ahih hangin Mikaiah in, “Topa in a nungta ahih mah bangin, Topa in kei tungah a hong gen thu ka gen ding hi,” a ci hi.

Daniel 3:18

Kumpipa aw, a hong hotkhiat kei zenzen taak leh zong, na pasian lah ka bia tuan kei ding uh a, na kham milim mai-ah zong ka kun kei ding uh hi ci-in thei ta in,” a ci uh hi.

Mattiu 22:21

“Kaisar kumpipa lim leh min hi,” a ci uh hi. Tua ciangin Zeisu in, “Kaisar kumpipa’ sum Kaisar kumpipa na pia un. Pasian’ sum Pasian na pia un,” a ci hi.

Amos 7:16

Tu-in Topa’ thugen ngai in. Israel mite lang khatah ka thugen ding nong kho a, Isaak’ suan leh khakte lang khatah ka thugen ding nong kham hi.

Hosea 5:11

Israel in zong gimna thuakin a cimawh hita hi; bang hang hiam cih leh piak ding bang mah a nei lote kiangah huh ngen dingin pai hamtang hi.

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Late 58:1

No gam ukte aw, a manin thu na khen uh hiam? Note in mi khempeuh thu a tangin na khen uh hiam?

2 KUMPI NIHNATE 16:15

Tua ciangin kumpi Ahaz in siampi Urijah thu pia-in, “Gam sung mi khempeuh’ meihal biakna, leh an tawh a biakna leh leenggahzu tawh a biakna uh tawh biakna tau lian tungah zingsang meihal biakna, leh nitakin an tawh biakna, leh kumpipa’ meihal biakna leh an tawh a biaknate hal khawm in; tua tungah meihal biakna sisan khempeuh, leh biak piakna sisan khempeuh theh in; ahih hangin sumngo biakna tau in kei adingin thu dot nading hi ding hi,” a ci hi.

1 KUMPI MASATE 21:11

Tua ciangin ama khuapi mi, ama khuapi sungah a teeng upate leh uliante in amaute tungah Jezebel’ thupuak bangin hih uh hi. Amaute tungah a khak laite sungah a kigelh mah bangin,

1 KUMPI MASATE 14:16

Tua ciangin ama khialhna leh Israelte a khialhsakna ahi Jeroboam’ khialhna hangin amah in Israel nusia ding hi,” a ci hi.

1 KUMPI MASATE 12:30

Hih na in khialhna khat suak hi; bang hang hiam cih leh mite Beth-el a, bia ding leh Dan a, bia dingin a gamla pekah va pai uh hi.

Efesa 6:1

Tanute tapate aw, Topa’ deih bangin na nute na pate thu uh na mang un. Bang hang hiam na cih uh leh, hih gamtatna in thuman ahi hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Hebru 11:23

Moses a suah khit ciangin a meel pha a nu leh pa in mu uh a, upna tawh kumpipa’ thupiakna kihta loin, kha thum tawntung a seel uh hi.

Jeremiah 26:12

Tua ciangin Jeremiah in kumpi ulian khempeuhte leh mi khempeuhte’ kiangah, “Topa in na zaksak uh ahi hih biakinnpi leh hih khuapi lang khatah ka gen thu khempeuh a gen dingin kei hong sawl hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

1 KUMPI MASATE 13:19

Tua ahih ciangin amah in zui-in hong paikik a, ama innah an ne-in tui dawn hi.

2 KUMPI NIHNATE 16:16

Kumpi Ahaz’ thupiak bangin siampi Urijah in hih thu khempeuh hih hi.