Sawltak 4:17 - Tedim Bible

¹⁷ Ahih hangin mite lakah a kizelh semsem loh nadingin tu nung ciangin tua min tawh kuama kiangah thu hilh nawn lo dingin amaute tawngin thu pia ni,” ci-in khat le khat a kikum uh hi.

Tedim Bible Revision 2017

¹⁷ Ahi zongin mite lakah hih thute a kitheihthang thuah loh nadingin, Jesuʼ min tawh kuama kiangah thu a gen ngei nawn loh nadingun taii ni,” a kici uh hi.

Sawltak 4:17 Referans Kwoze

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

1 THESALONIKA MASA 1:8

Bang hang hiam na cih uh leh, note kiang panin Topa thu in Makedonia gam leh Akhaia gamah kizeel tham loin, note in Topa’ thu na upna uh mun khempeuh a tung hi. Tua ahih ciangin kote in bangmah ka gen ding uh a om kei hi.

Sawltak 5:24

Biakna innpi ukpa leh siampite in hih thu a zak uh ciangin, hih thu in bangci thu hi ding hiam ci-in a lunghimawh uh hi.

Sawltak 4:21

Amaute in mihonpi hangin Piter leh Johan mawhna daan piak na’ng thu a ngah loh uh ciangin, khatvei a tawn’ kik khit uh ciangin a khah uh hi. Bang hang hiam i cih leh, hih bawlna thu hangin mi khempeuh in Pasian’ min a phat uh hi.

Mattiu 27:64

Tua ahih ciangin ama nungzuite in zanin pai uh a, a luang a gukkhiat khit uh ciangin, ‘Amah in sihna panin thokik zo hi,’ ci-in mite kiangah gen le-uh khialhna masa sangin khialhna nunung a lianzaw ding hi, ci-in lunghihmawhna thu om ahih ciangin, han ni thum sung a kicin’ nading thu hong pia in,” ci-in a ngen uh hi.

Amos 2:12

Ahi zongin note in Nazir mite, leenggahzu na dawnsak uh a, kamsangte in ka thu a genloh nadingun thu na pia uh hi.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Mattiu 9:30

Zeisu in, “Hih thu kuama theih loh nadingin kikeem un,” ci-in nakpi-in a kham hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Efesa 6:9

Tote aw, tawn’na om loin na silate uh tungah tua bangin na bawl un. No leh amau Topa in vantungah om a, amah in kuama maitang zahtak lo hi cih na thei un.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.