Sawltak 4:12 - Tedim Bible

¹² Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

Tedim Bible Revision 2017

¹² Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Sawltak 4:12 Referans Kwoze

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

1 KORIN MASA 3:11

Bang hang hiam na cih uh leh, khuam a kiphut zo Zeisu Khazih longal innkhuam dang kuamah in phut zo lo hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Mattiu 1:21

Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

Late 45:17

Keimah in khang tawntungin nangma min ka kiphawksak ding hi; tua ahih ciangin mite in nang hong phat ngitnget ding uh hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

JOB (Job) 41:11

Leitunga om mihingte lakah, awle su-a a sihlawh lo kua om ahi hiam?

Sawltak 2:5

Tua lai takin van nuai gam khempeuh panin a hong pai, Pasian a zahtak Judah mite Jerusalem khua-ah a om uh hi.

Piancilna 7:19

Leitungah tui khangkhang ahih manin van buppi nuai-a mual lian a sangte khempeuh tuumcip hi;

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.