Sawltak 3:25 - Tedim Bible

²⁵ Note in kamsangte’ suante na hi uh hi. Pasian in Abraham kiangah, ‘Nang na suante hangin leitung mipawl khempeuh in thupha a ngah ding uh hi,’ ci-in na pute na pate uh tawh kiciamna a bawlpihte’ suante zong na hi uh hi.

Tedim Bible Revision 2017

²⁵ Pasian in Abraham kiangah, ‘Na suan na khakte thupha ka piak bangin leitung mi khempeuh thupha ka pia ding hi,’ ci ahih manin, Pasian in ama kamsangte tungtawnin a thuciamte khempeuh eite ading hi a, Pasian in i pu i pate tawh a thuciamte, eite in zong a ngah ding ihi hi.

Sawltak 3:25 Referans Kwoze

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Galati 3:8

Pasian in upna tawh Gentail mite’ dikkisakna a kipsak hi ci-in Lai Siangtho in thei kholin, Abraham kiangah, “Nangmah hangin mi pawl khempeuh in thupha a ngah ding uh hi,” ci-in Lungdamna Thu a na hilh khol hi.

1 KHANG TANGTHU MASATE 16:17

Jakob tungah thukhamin amah in a kipsak, Israel tungah tawntung thuciamna-in a kipsak,

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Mangmuhna 7:9

Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh mihonpi in tokhom leh Tuuno mai-ah puanpak silhin, a khut uhah nisuh hiang tawi-in a ding uh ka mu hi.

Galati 3:16

Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

ROM (Romans) 4:13

Bang hang hiam na cih uh leh, leitung a luahsak nading Abraham ahi zongin, a suante ahi zongin, a thuciamna a ngahna in thukham tawh a ngah kei uh hi; upna tawh kipawl dikna hangin a ngah uh hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Nehemiah 9:8

Nangma tungah amah a cihtakna na mu a, Kanaan mite gam, Hit mite gam Amor mite gam, Perez mite gam, Jebus mite gam, leh Girgash mite gam, amah leh a suan leh khakte tungah piak dingin ama tungah thuciamna khat na bawl hi. Nangmah thuman na hih manin na thuciamna na tungsak hi.

Piancilna 28:14

na suan-le-khakte lei lak leivui bang ding a, nitumna lam leh nisuahna lam, leilu lam leh leitaw lamah na kizelthang ding uh hi; nang leh na suan-le-khakte thupha kong piak bangin leitung innkuan khempeuh in thupha a ngah nadingun hong ngen ding uh hi.

Piancilna 26:4

Na suan-le-khakte van-a aksi bangin tampi ka phasak ding a, na suan-le-khakte' tungah hih leitang khempeuh ka pia ding hi; na suan-le-khakte thupha ka piak bangin leitung minam khempeuh in thupha a ngah nadingun hong ngen ding uh hi:

Piancilna 20:7

Tua ahih ciangin tu-in mipa’ zi pia kik in; bang hang hiam cih leh amah in kamsangpa khat hi a, amah in nang’ adingin thu hong ngetsak ding a, nang na nungta ding hi. Ahih hangin nang in tua numei na piak kik kei leh nang leh na neih khempeuh na sih taktak ding uh thei in,” ci hi.

Piancilna 17:19

Pasian in, “Hi lo hi, na zi Sarah in nang’ adingin tapa khat nei ding a, ama' min Isaak na ci ding hi. Ama' khit cianga a suan-le-khakte adingin tawntung thuciamna dingin ka thuciamna amah tawh ka kipsak ding hi.

Mangmuhna 14:6

Leitungah a teeng mite-a kipan gam khempeuh, nam khempeuh, pau khempeuh, pawl khempeuhte kiangah tawntung Lungdamna Thu hilh dingin vantungmi adang khat in vankim lai-ah a leeng ka mu hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

ROM (Romans) 15:8

Khazih in Pasian’ thuman thutak hangah pute pate tungah a piak thuciamna a kip nadingin ahi zongin, Gentailte in zong Pasian’ hehpihna ngahin Pasian a minthan’sak theih nading uh ahi zongin, vun atna a thuak mite’ nasem mi a suak hi. Lai Siangtho sungah: “Tua ahih ciangin Gentailte lakah na hehpihna ka phat a, Nangma min phatna la ka sa ding hi,” ci-a a kigelh bang ahi hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Luka 1:72

A siangtho ama kamciamsa thu a ngaihsut nading ahi zongin, i pu i pate tungah hehpihna thupha hong bawl nading ahi zongin,

Late 96:7

Minam kimte aw, Topa in minthan’na leh hatna nei hi, ci-in mang un, Topa in nei hi, ci-in mang un.

Piancilna 18:18

Topa in a lungsimah, “Abraham a lian a thahat minam suakin, leitung minam khempeuh in ama' tung tawnin thupha ngah ahih manin, tu-a ka hih ding thu Abraham’ tungah im ding ka hi hiam?

1 KHANG TANGTHU MASATE 16:16

Abraham tawh a bawl thuciamna, Isaak tungah kiciamin a khapna,