Sawltak 3:24 - Tedim Bible

²⁴ Samuel pan akipan Pasian’ kamsangte khempeuh leh a nung cianga hong piangte in a gen khempeuhte in, hih nite thu a genkhol zo uh hi.

Tedim Bible Revision 2017

²⁴ Samuel a kipan ama nung a hong piang kamsang khempeuh in tu laitak a thupiangte mah gen khol ciat uh hi.

Sawltak 3:24 Referans Kwoze

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

1 SAMUEL MASA 3:20

Tua ciangin Dan panin Be-ersheba kikal a, om Israelte khempeuh in Topa’ kamsangin Samuel a kikipsakna thei uh hi.

Late 99:6

Moses leh Aaronte in ama siampi hi uh a, amah a biate lakah Samuel zong kihel hi. Topa tungah amaute kiko uh a, amah in amaute a dawng hi.

ROM (Romans) 3:21

Tu-in Thukhamna leh kamsangte in teci a pan’ uh mah bangin, thukham loin Zeisu Khazih sungah thu-um mite khempeuh tungah upna hangin hong tung Pasian’ dikna kilang hi.

Sawltak 13:20

Tua nung ciangin kamsangpa Samuel dongin thukhen mangte a pia hi.

1 SAMUEL MASA 3:1

Tu-in Eli’ khut nuai ah naupang Samuel in Topa’ na sem hi. Tua hun lai-in Topa’ kammal manpha mahmah hi; mangmuh muhna om lo hi.

1 SAMUEL MASA 2:18

Samuel in saihadial siampi puan silhin Topa mai-ah na a sem naupang khat ahi hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Sawltak 17:3

Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.

Sawltak 26:23

Khazih in sihna thuak ding a, sihna pan a thokik masabel ahih ciangin, Judah mipawl leh Gentailte kiangah khuavakna thu a piang ding hi ci-in Moses akipan Pasian’ kamsangte’ thugenna mah kei in behlap loin milian, mineute kiangah teci-in ka pang hi,” a ci hi.