Sawltak 3:22 - Tedim Bible

²² Moses in, ‘Topa Pasian in nomau ute naute lakah keimah bangin kamsangpa khat note ading a piangsak ding hi. Amah in nomau kiangah thu a gen khempeuh na ngai ding uh hi.

Tedim Bible Revision 2017

²² Bang hang hiam cih leh Moses in, ‘Kei a hong sawl mah bangin note sung mah panin note ading kamsang khat Topa na Pasian un note kiangah hong sawl ding hi. Ama hong thugen khempeuh na mang ding uh hi.

Sawltak 3:22 Referans Kwoze

Sawltak 7:37

‘Pasian in na ute na naute lakah kei tawh kibang kamsangpa khat note ading kong piangsak ding hi,’ ci-in Israel mipawlte a genna mi in tua Moses ahi hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Mangmuhna 1:1

A sawt loin a piang ding nate ama silate tungah lah dingin Pasian in a piaksa Zeisu Khazih’ mangmuhna lai ahi hi. Tua Topa in ama vantungmi khat sawl a, ama silapa Johan kiangah hilh hi.

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Luka 24:19

Zeisu in, “Bang thu ahi hiam?” ci-a a dot leh, tua pa in, “Nazareth mi Zeisu’ thu ahi hi. Tua pa in Pasian mai-ah ahi zongin, mite mai-ah ahi zongin, kam siamna leh khut siamna tawh a dim kamsangpa ahi hi.

Luka 13:33

Ahih hangin tuni, zing ciang leh thai ciangin ka pai ding hi. Bang hang hiam na cih uh leh, kamsangpa in Jeursalem khua sim loh mun dangah a si thei kei ding hi.”

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.