Sawltak 3:16 - Tedim Bible

¹⁶ Tua min upna hangin tua Topa’ min in na muh na theih uh hih mi a hatsak hi. Ahi hi, tua Zeisu hanga kingah upna in nomau khempeuh mai-ah hih mi a kicingsak zo hi.

Tedim Bible Revision 2017

¹⁶ Hih Jesu minʼ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesu upna le ama min hangin hih mipa in dam sianthona a ngah ahi hi.

Sawltak 3:16 Referans Kwoze

Sawltak 14:9

Amah in Paul’ thu a ngaih lai takin Paul in amah a tel-et ciangin a dam theih nading upna a neih a muh ciangin,

Sawltak 4:10

note in singlamteh tungah na thah khit uh ciangin, Pasian in sihna pan a thawhkik sak Nazareth mi Zeisu’ min tawh hih pa in note mai-ah cidamin a ding hi cih, note akipan Israel mi khempeuh in thei ta un.

Sawltak 3:6

Piter in, “Kham leh ngun ka nei kei hi. Ahih hangin ka neihsa kong pia ding hi.

Sawltak 16:18

Tua bangin ni tampi a hih hi. Paul in lungdam lo a, kihei-in, “Zeisu Khazih’ min tawh ama sung pan na paikhia in, thu kong pia hi,” a cih ciangin tua dawi in thakhatin a taikhia hi.

Mattiu 9:22

Zeisu kihei a, tua numei a muh ciangin, “Ka tanu aw, na lunghimawh kei in. Na upna in nang hong damsak zo hi,” a cih ciangin, thakhatin a dam pah hi.

1 KORIN MASA 13:2

Kamsangte’ pilna nei-in, thuthuk khempeuh, pilna khempeuh thei siam a, mual kinsak zawh nading upna apawl apawl ka neih hangin itna ka neih kei leh, a mawkna teitei ka hi hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Sawltak 4:7

Amaute laizangah sawltakte ding sak uh a, “Note in bang vangliatna tawh, a kua min tawh, hih na hi uh hiam?” ci-in a dong uh hi.

Sawltak 3:8

thakhatin tho a, a din’ khit ciangin lam pai-in diang a, Pasian’ min phatin sawltakte tawh biakna innpi sungah a lutkhawm hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Johan 7:23

Moses’ Thukhamna a siat thei loh nadingin Sabbath ni-in mi in vunatna a ngah hi. Ahih hangin Sabbath ni-in mi’ pumpi khat ka damsak ciangin bang hangin kei tungah heh na hi uh hiam?

ROM (Romans) 3:22

Kilamdan’na neukha beek a om kei hi.

Mattiu 14:29

“Hong pai in,” Zeisu in a ci hi. Piter gunkuang sung pan kum a, Zeisu kiang zuan dingin tui tungah a pai hi.