Sawltak 3:1 - Tedim Bible

¹ Tua lai takin Piter leh Johan in thungetna hun nai thum lai takin biakna innpi-ah a kahtoh lai takun,

Tedim Bible Revision 2017

¹ Ni khat, thunget hun nitak nai thum laitakin biakinn ah Peter le Johan a pai uh hi.

Sawltak 3:1 Referans Kwoze

Late 55:17

Nitak, zingsang leh sunin, ka gimna leh ka thumna ka gen hi, amah in ka aw hong za ding hi.

Sawltak 10:3

Nikai nai thum ciangin mangmu-in, Pasian’ vantungmi khat hong pai tel takin mu a, “Kornelias aw,” ci-in a sam hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Luka 1:10

Paknamtui mei tawh a hal hun lai takin mi khempeuh in inn pua lamah thu ngenin a om uh hi.

Sawltak 5:25

Tua lai takin mi khat hong pai a, “Thong ah na khum mite in biakna innpi sungah ding-in mite thu a hilh uh hi,” ci-in a ko hi.

Luka 24:53

Pasian’ min phatin biakna innpi sungah a pai tawntung uh hi.

Sawltak 8:14

Samaria khuapihte in Pasian’ thu a mang uh a, Jerusalem khua-ah a om sawltakte in a zak uh ciangin Piter leh Johan a sawl uh hi.

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Johan 21:7

Tua lai takin Zeisu’ it nungzuipa in Piter kiangah, “Topa ahi hi,” a ci hi. Topa ahih lam Simon Piter in a theih ciangin, puanak tungsilh guak tawh tuili sungah a tuaksuk hi.

Mattiu 26:37

Piter leh Zebedi’ tate nih sam a, a lungdahna leh lungman’na a kipan hi.

Mattiu 17:1

Ni guk khit ciangin Zeisu in Piter, Jakob leh a nau Johan-te samin, mualsang tungah, gam daihna munah paipih a,

Daniel 9:21

Tua ka nget lai takin, ka mangmuh masak sunga ka muh mipa Gabriel, ka omna munah a hong leengsuk hi. Tua hun in nitak lam biakna piakna hun laitak ahi hi.

Sawltak 10:30

Kornelias in, “Tuni-in ni li a phak zawh ni, tu hun lai tak nai thum thungetna ka inn sungah ka bawl lai takin, puan taang mahmah a silh mi khat in ka mai-ah a ding hi.

1 KUMPI MASATE 18:36

Biakpiak hun ciangin kamsang Elijah a nai-ah hong pai-in, “Abraham, Issak, leh Israel Pasian, Topa aw, nangmah in Israel sungah Pasian na hihna, leh keimah in nangma nasem ka hihna, leh hih nate khempeuh nangma thu tawh ka hihna thu tu ni-in kitheisak in,

Paikhiatna 29:39

Tuuno khat zingsang lamin na pia ding a, adang tuuno khat nitak lamin na pia ding hi;

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

Gamlak-vakna 28:4

Tuuno khat zingsangin na pia ding uh a, tuuno khat pen nitakin na pia ding uh hi;

Mattiu 27:45

Sun laitak nai sawm leh nai nih pan a kipan, nai thum dongin leitung khempeuhah khua mial hi.

Luka 18:10

“Mi nih in thu ngen dingin biakna innpi ah a paito uh hi. Khat in Farisai hi a, khat pen siahdongpa ahi hi.

Sawltak 3:3

Piter leh Johan-te in biakna innpi sungah a lut ding uh tua pa in a muh ciangin a khut dawhin hehpihna a ngen hi.

Sawltak 3:4

Piter leh Johan in tua pa lim takin en uh a, “Hong en in,” a cih uh ciangin,