Sawltak 28:8 - Tedim Bible

⁸ Publias’ pa in nattun leh gilsan vei-in a lum hi. Tua cinapa kiangah Paul in lut a, thu a nget khit ciangin a tungah a khut nga-in, cinatna a damsak hi.

Tedim Bible Revision 2017

⁸ Publiasʼ pa cisa nat leh gilsan thuahin cina-in lupna tungah a lum hi. Paul zong ama lupna ah va pai-in thu ngetsak a, a tungah a khut nga-in a damsak hi.

Sawltak 28:8 Referans Kwoze

Sawltak 9:40

Piter in tua mi khempeuh a paikhiatsak khit ciangin khukdin’in thungen a, si-luang lam kihei-in, “Tabitha aw, tho in,” a ci hi.

Marka 6:5

Cina tawmte tungah khut nga a, a damsak sim loh, tua santakah nalamdang lian a bawl kei hi.

Marka 16:18

gulte man ding uh a, sihna gu a dawn uh hangin gimna a thuak kei ding uh hi. Cinate tungah a khut uh a ngak uh ciangin a dam ding uh hi,” ci-in Zeisu in a vaikhak hi.

Mattiu 9:18

Tua bangin thu a hilh lai takin, ukpa khat in va nai a, Zeisu a biak khit ciangin, “Ka tanu a si zo hi. Ahih hangin Topa hong pai-in a tungah na khut nga leteh, a nungta kik ding hi,” ci-in a ngen hi.

1 KORIN MASA 12:28

Pasian in a masa belin sawltakte, a nihna thuhilhte, a thumna laihilhte, tua khit ciangin nalamdang a lak theite, tua khit ciangin cina damsak theite, huhte, pawlpi ukte, paunam tuam tampi a gen theite, pawlpi sungah a koih zo hi.

1 KORIN MASA 12:9

Tua Kha Siangtho tawh mi khat kiangah thu upna a pia hi. Tua Kha Siangtho tawh mi khat kiangah cina damsak theihna a pia hi.

Mattiu 10:8

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Mattiu 10:1

Tua ciangin Zeisu in a nungzuite sawm leh nihte a sap khit ciangin, kihhuai dawite hawlkhiat theih nading ahi zongin, cinatna pawl khempeuh damsak theih nading ahi zongin thu a pia hi.

Luka 13:13

thakhatin a pumpi tang a, Pasian’ min a phat hi.

Luka 4:40

Ni a tum ciangin, cinatna pawlpawl a neite khempeuh Zeisu kiangah hong paipih uh a, amah in amaute khempeuh tungah khut nga-in a damsak hi.

Marka 7:32

Tua lai takin bengngong, paumawl mi khat a kiangah a paipih uh a, ama tungah a khut a ngak nadingin a thuum uh hi.

Marka 5:23

“Ka tanu a si dektak zo hi. Topa hong pai-in, damkik a, a hin’ theih nadingin ama tungah na khut ngak nadingin kong ngen hi,” ci-in a thuum hi.

Mattiu 12:13

Tua ahih ciangin a cinapa kiangah, “Na khut zan in,” a cih ciangin ama khut a zan leh, a khut langkhat mah bangin a dam hi.

Sawltak 28:7

Tua mun pan kigamla lo Publias kici tuikulh gam sung hausapa a om hi. Tua hausapa in kote hong tung sak a, ni thum tawntung pha takpi-in hong vaak hi.

Sawltak 28:9

Tua bang ahih ciangin tua tuikulh-a cina dangte hong pai uh a, damna a ngah uh hi.