Sawltak 28:4 - Tedim Bible

⁴ Tua gam mite in gul in a khutah a om a muh uh ciangin, “Hih pa in mi thatpa ahi takpi zo hi. Tuipi launa pan a suahtak hangin a hin’ nadingin thuman in thu a pia kei hi,” ci-in khat leh khat a kici uh hi.

Tedim Bible Revision 2017

⁴ Tua lai-a teeng mite in Paulʼ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.

Sawltak 28:4 Referans Kwoze

Luka 13:4

Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam?

Luka 13:2

Zeisu in, “Tua bang a thuak Galile mite in Galile midangte khempeuh sangin mawhna a hauh zawk uh um na hi uh hiam?

Sawltak 28:5

Ahih hangin Paul in gul mei sungah singkhia a, bangmah natna thuak lo hi.

Sawltak 28:2

Guahzu a, khua dam ahih ciangin tua gam mite in mei cihin kote khempeuh pha takpi hong hehpih uh hi.

Johan 7:24

Maitang zahtakna tawh thu na khen kei un; aman takin thu na khen un,” a ci hi.

Mattiu 23:35

Tua ahih ciangin, mipha Abel’ si pan akipan biakna innpi leh biakna tau kikal a, na thah uh, Barakhiah’ tapa Zekhariah’ si dongin leitungah a kibuasa miphate’ si khempeuh in, note tungah hong tung ding uh hi.

Isaiah 43:20

Gamsate, ngiate leh kalaoh-vasate in kei hong pahtawi ding uh hi; bang hang hiam cih leh keima adinga ka pian’sak mite in keimah phatna a genkhiat theih nadingun, keima teel mite’ dawn dingin gam lakah tui pia-in, sehnel gam sungah gun ka pia hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Mattiu 27:25

Mi khempeuh in, “Ama si in ko tung leh ka tu ka tate tungah om tawntung ta hen,” a ci uh hi.

Zefaniah 2:15

A vangliatna a kisak theihpih, lungmuang taka om khuapi tungah, tu-a bangin piang ding hi. Leitungah amau’ khuapi a lianpenin ngaihsun uh hi. Tua hi napi-in gamlak suakin, gamsate’ omna suak ta hi. A mu mi khempeuh in lamdang sa-in ciksa ding uh hi.

Isaiah 26:21

Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Paunak 28:17

Mi that-a a khialpa in, ama hankhuk ding a to hi a, a hankhuk tawh ding kho kei in.

Piancilna 3:1

Tu-in gulpi pen, Topa Pasian’ bawlsa gamlak ganhing dangte khempeuh sangin ngiansiam zaw hi. Amah in numei kiangah, “Pasian in, ‘Huan sung sing khatpeuh peuh ne lo ding,’ hong ci ahi hiam?” ci hi.

Sawltak 28:3

Paul in sing lom khat la a, mei tungah a khul lai takin gul khat in meikhu lak pan pusuakin Paul’ khut a tu hi.