Sawltak 28:22 - Tedim Bible

²² Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

Tedim Bible Revision 2017

²² Ahi zongin tu-a nangma kipawlna miteʼ thu pen a koimah peuh ah mi khempeuh in gensia uh ahih manin nangma ngaihsutna taktak ka za nuam uh hi,” a ci uh hi.

Sawltak 28:22 Referans Kwoze

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

1 PETER MASA 3:16

Khazih-ah note gamtat hoih uh a simmawhte in hong kosiat ciangin, note pumpi uh a maizum loh nadingun note lungsim kisuan’na om lo, siangtho-in na om un.

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

1 KORIN MASA 11:19

Note lakah miphate a kilat nadingin pawlpi sungah kikhenna a om ding hi.

Sawltak 26:5

Judah ngeina tel takpi a zui pen pawl Farisai mi ka hihna hih mite in teci a pan’ nop uh leh, a thei masa bel ahi uh hi.

Sawltak 15:5

Farisai pawl lakah a um kimkhat in a ding uh a, “Gentailte in vun at a, Moses’ Thukham a zuih na’ng uh thu hilh ding a kilawm hi,” a ci uh hi.

Sawltak 5:17

Tua lai takin siampi ukpa leh amah tawh a kipawl Saddusi mite khempeuh a ding uh a, hazatna tawh a dim uh hi.

ROM (Romans) 1:8

Nomau thu-upna in leitung gam khempeuh ah kizel ahih ciangin nomau hangin Zeisu Khazih tawh Pasian’ hehpihna ka phat masa bel hi.

Isaiah 42:20

Israel in na tampi mu a, ahih hangin tuate encian lo hi; ama bilte kihong a, ahih hangin amah in khua za lo hi.