Sawltak 28:15 - Tedim Bible

¹⁵ Rom khua-ah a om ute naute in kote paina thu a zak uh ciangin hong dawn ding kimkhatte in Appias Sumbuk dongin, kimkhatte in Mangbuk Thum dongin hong pai uh hi. Paul in tua mite a muh ciangin Pasian’ hehpihna phatin a lungdam uh hi.

Tedim Bible Revision 2017

¹⁵ Rom khua-a om ulenaute in koteʼ thu na za uh ahih manin pawl khat in, “Appias Sumbuk,” ciang dong hong dawn uh a, pawl khat in “Ansai Thumna,” ciang hong ban uh hi. Paul in amaute a muh ciangin Pasian tungah a lungdamna ko a, a lungsim hong nuam mahmah hi.

Sawltak 28:15 Referans Kwoze

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

ROM (Romans) 15:24

Spain ka pai ciangin lampi-ah note tawh kimu-in, note tawh kikhawl khawmin, deihna teng a kicin’ khit ciangin tua gamah note hong khakna thupha ka ngah ding hi ci-in ka lamen hi.

Galati 4:14

Keima sungah a om note thuak ze-etna note in ngaihsun loin, nial loin Pasian’ vantungmi bang ka hi zongin, Khazih Zeisu bang ka hi zongin, na hong sang uh hi.

Sawltak 21:5

Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Sawltak 10:25

Piter a tum ciangin Kornelias in dawn a, a khe mai-ah bokin a bia hi.

Johan 12:13

Tua ciangin nisuh hiang tawi-in Topa dawn dingin a paikhia uh a, “Hosanna, Pasian’ min tawh hong pai Israel Kumpipa in, Thupha ngah ta hen!” ci-in a kiko uh hi.

Late 27:14

Topa ngak in; tha khauh in la, na lungsim hangsak in; hi hi, Topa ngak in!

1 SAMUEL MASA 30:6

David nakpi takin lungkham hi; bang hang hiam cih leh mi khempeuh a tanute a tapate uh hangin a lungsim uh na lua ahih manin suang tawh amah den’ ding gen uh hi. Ahih hangin David in amahmah Topa a Pasian sungah kithakhauhsak hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Paikhiatna 4:14

Tua ciangin Moses’ tungah Topa heh a, amah in, “Levi mi na sanggampa Aaron om hilo ahi hiam? Amah in hoih takin thu a gen theihna ka cian theih hi; en in, nangmah dawn dingin amah hong paikhia a, amah in nang hong muh ciangin a lungsim sungah amah kipak ding hi.

1 THESALONIKA MASA 3:7

ute naute aw, kote in lunghihmawhna khempeuh leh ko thuak gimna-ah note thu-upna uh hangin hehnepna ka ngah uh hi.

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 10:23

Tua ahih ciangin Piter in tuate inn sungah sam a, a tung sak hi. Zingsang ciangin Piter tho a, amaute tawh a paikhawm hi. Joppa khua unau kimkhatte in zong a zui uh hi.

Sawltak 11:1

Gentailte in Pasian’ thu a san’ uh Judah gamah a om sawltakte leh u leh naute in a za uh hi.

Sawltak 11:12

Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

Sawltak 28:14

Tua khua-ah ute naute tawh kimu-in, “Ni sagih sung hong taam un,” hong cih mah bangun ka taam khit uh ciangin, Rom khua-ah ka pai uh hi.