Sawltak 27:43 - Tedim Bible

⁴³ Ahih hangin galkap mangpa in Paul a suahtaksak nop maninah galkapte’ hihna kham a, “Tui peek siamte in peek masa uh a, lei tungah a tung masa ding uh hi.

Tedim Bible Revision 2017

⁴³ Ahi zongin galkap bupa in Paul suaktasak nuam ahih manin tua bangin a thah ding uh a kham hi. Tua ahih manin tuipeek thei khempeuh in teembaw panin a nawl ah tui va peekin,

Sawltak 27:43 Referans Kwoze

Sawltak 27:3

A zing ciangin Sidon khua ka tun’ uh ciangin, ama lawmte kiangah pai-in an vakna a ngah theih nadingin Julias in Paul hehpihin thu a pia hi.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

2 KORIN NIHNA 11:25

Thum vei dongin ciing pum tawh satna ahi zongin, khat vei suang tawh den’na ahi zongin ka thuak zo hi. Thum vei dong teembaw siatna ka thuak zo hi. Sun khat leh zan khat tawntung tuipi sungah ka om zo hi.

Sawltak 27:11

Ahih hangin galkap mangpa in Paul’ kam ngai loin teembaw ukte leh teembaw neite thu a ngai hi.

Sawltak 23:24

Paul tuan’ nading sakolte pia in. Mangpipa Feliks kiangah pha takpi-in a paipih ding uh hi,” ci-in thu a pia hi.

Sawltak 23:10

Kiseelna a tam ciangin amaute in Paul a sukgawp khak ding uh galkap mangpa lunghimawh ahih ciangin, galkapte paisakin Paul amaute lak pan zawhthawh thu-in la a, galkap innah a paipih dingun a sawl hi.

Sawltak 27:31

Paul in, “Hih mite in teembaw tungah a om kei uh leh, note na suakta kei ding uh hi,” ci-in galkap mangpa leh galkapte kiangah a gen hi.

Sawltak 27:42

Tua lai takin thongkiate in tui peeka a taimang ding uh a lunghihmawh manunah galkapte in, “That ni,” ci-in a vaihawm uh hi.