Sawltak 27:27 - Tedim Bible

²⁷ Ni sawm-le-li ni zaninah Andria tuipi sungah ka kikawi heihei lai takun, zan kim ciangin a kinaipen gam khat peuhmah ka tung dektak uh ci-in teembaw nasemte in ummawh uh a,

Tedim Bible Revision 2017

²⁷ Tua bangin huihpiʼ mutin Mediterranean tuipi tungah teembaw tawh ka laam zawh uh a zan sawm le li zankim laitakin lei tawh kinai ta hi hang, ci-in teembaw hawlte in a ummawh uh hi.

Sawltak 27:27 Referans Kwoze

Mangmuhna 18:17

Nai khat sung bekinah tua zaha nopsaknate a beisak ta hi,” ci-in kapin a kiko ding uh hi.” “Teembaw ukte khempeuh-a kipan tembaw tawh sum lei sum zuakte leh tembaw nasemte leh tuipi-ah nuntakna a zong mite in gamlapi pan ding-in,

Sawltak 27:30

Teembaw nasemte in teembaw a taisan nuam uh a, teembaw lu lam panin teembaw khawlna sikkawi khiatsuk bangin, gunkuang a khiatsuk lai takun,

Jonah 1:6

Teembaw ukpa in amah a muh ciangin, “Ihmu pa aw, bang na cihna hiam? Tho in la, na pasian kiangah thu ngen in! I sih loh nadingin amah in eite hong ngaihsun kha thei ding hi,” a ci hi.

1 KUMPI MASATE 9:27

Tua ciangin Hiram in tua teembaw honte tawh tuipi tung nasep a thei tuipi mite ahi a nasemte, Solomon’ nasemte tawh sawlkhia hi;

Sawltak 27:26

Ahih hangin tuikulh khatpeuh tungah i kipaaikhia ding hi,” a ci hi.

Sawltak 27:28

tui a teh ciangun lam sawmnih a thuk a thei uh hi. Tawmvei khit ciangin tui a tehkik uh ciangin, lam sawm-le-nga a thuk a thei uh hi.