Sawltak 27:24 - Tedim Bible

²⁴ ‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Tedim Bible Revision 2017

²⁴ ‘Paul aw, lunghimawh kei in. Gam uk kumpipa mai ah na ding dinga, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Sawltak 27:24 Referans Kwoze

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Piancilna 19:29

Pasian in kuam sunga khuapite a suksiat lai-in, Pasian in Abraham phawk a, amah in Lot’ ten’na khuapite a suksiat ciangin tua bang a suksiatna sung panin Lot sawlkhia a, tua bangin a piang ahi hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Sawltak 27:37

Teembaw sungah a om komau khempeuh in zanih sawm-sagih-guk ka pha uh hi.

2 KUMPI NIHNATE 6:16

Amah in, “Kihta kei in; bang hang hiam cih leh amaute tawh a omte sangin eite tawh a omte tamzaw hi,” a ci hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding a, nang in thupha na hi ding hi.

Sawltak 27:44

A om laite in singpeek tung ahi zongin, teembaw sungah a om nadangte tung ahi zongin, tuangin a pai ding uh hi.” ci-in thu a pia hi. Tua ahih ciangin mi khempeuhte in lei tungah a suakta uh hi.

Sawltak 25:11

Tua ahih ciangin mi gilo ka hih a, sih nading a, kilawm mawhna ka hih leh, sihna tawh ka kipelh kei ding hi. Ahi zongin tua mite hong mawhsaknate khat beek a man kei leh kuamah in amaute khut tungah hong pia zo kei ding hi. Kaisar Kumpipa kiangah azu ka khan ding hi,” a ci hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Johan 11:9

Zeisu in, “Nisuah leh nitum kikal nai sawm leh nai nih pha hilo ahi hiam? Mi khat in sun lai takin a pai leh, leitung khuavak a muh maninah a kipuk thei kei ding hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

1 KUMPI MASATE 17:13

Tua ciangin Elijah in ama kiangah, “Lau kei in, pai-in la, na gensa bangin hih in; ahih hangin kei adingin moh neu khat hong bawlsak masa-in kei kiangah hong paipih in la, tua khit ciangin nang leh na tapa’ ading bawl in.

Piancilna 46:3

Tua ciangin Amah in, “Keimah in na pa’ Pasian ahi, Pasian ka hi hi; Izipt-ah paisuk ding lau kei in; bang hang hiam cih leh minam lian khatin tua lai-ah nang kong bawl ding hi.

Piancilna 39:23

Topa in amah tawh om ahih manin Josef' etna sunga om peuhmah thong kempa in don lo hi; ama' hih peuhmah Topa in daupaisak hi.

Piancilna 39:5

Amah in a inn sung uk leh a neih khempeuh a uk-in a bawla kipan Topa in Josef hangin Izipt mipa’ innkuan thupha pia hi; inn sung hita leh lo sung hita leh a neih khempeuh tungah Topa’ thupha om hi.

Piancilna 30:27

Ahih hangin Laban in ama' kiangah, “Na maipha ka ngah leh hehpihna tawh om dih in. Topa in nangma' hangin kei thupha hong piakna ka thei hi;

Daniel 2:24

Tua ahih ciangin Daniel in kumpipa in Babilon mipilte that dinga a sawlpa Ariok kiangah pai a, “Babilon gamsunga mipilte that kei in. Kumpipa kiangah hong paipih in, tu-in a mangmat a khiatna ka gen ding hi,” a ci hi.

Sawltak 27:31

Paul in, “Hih mite in teembaw tungah a om kei uh leh, note na suakta kei ding uh hi,” ci-in galkap mangpa leh galkapte kiangah a gen hi.

Sawltak 27:42

Tua lai takin thongkiate in tui peeka a taimang ding uh a lunghihmawh manunah galkapte in, “That ni,” ci-in a vaihawm uh hi.

Filemon 1:22

Tua tham loin, ka giah nading omna mun zong na bawlkhol in. Bang hang hiam na cih leh, nangma thungetna hangin na kiangah tun’ theih nading thu ka ngahkik ding ka lamen hi.

JOB (Job) 35:8

Na khialhna hangin na mipihte bek in thuak a, na gamtat hoihna hangin na mipihte bek in phattuamna ngah hi.

Kah la 3:57

Na hong dawng a, lau lo dingin thu nong pia hi.