Sawltak 27:23 - Tedim Bible

²³ Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

Tedim Bible Revision 2017

²³ Bang hang hiam cih leh kei tawh a kipawl ka biak Pasianʼ vantungmi, tu zanin ka kiangah hong pai a,

Sawltak 27:23 Referans Kwoze

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.

Sawltak 18:9

Zan lai takin Topa in mang sungah Paul kiangah a gen-inah “Lau kei in. Pau loin om kei in, thu na gen ding hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Sawltak 8:26

Pasian’ vantungmi khat in Filip kiangah, “Nang tho in la, Jerusalem khua panin Gaza khua lam paina khanglam pai in,” ci-in a gen mah bangin Filip tho a, a pai hi. Tua mun in gamlak ahi hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Isaiah 44:21

Jakob aw, hih thu phawk in. Israel aw, ka nasempa na hi hi. Nang kong bawl a, nang in keima nasem na hi hi; Israel aw, keimah in nang kong mangngilh kei ding hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

2 TIMOTI NIHNA 2:24

Pasian’ sila in a kitawng thei kei hi, mi khempeuhte thu dam takin ahih thei mi, thu a hilh thei mi, a thuak zo mi ahi ding hi.

2 TIMOTI NIHNA 1:3

Keimah in na khitui luang phawk kikin, ka lungdamna a kicin’ nadingin nangmah kong mu nuam a, na pi Lois leh na nu Eunis sungah a masa-in kip-a, a om upna ahi zongin, ka lungkim mah bangin nangma sungah kiphatsakna hi loin a om upna ahi zongin ka phawk a, sun tawh zan tawh thu ka nget ciangin, nangmah hong mangngilh loin hong ngaihsunin, ka pute ka pate in a biak uh bangin ka lungsim kisuan’na om lo siangthona tawh ka biak Pasian’ hehpihna ka phat hi.

1 KORIN MASA 6:20

Bang hang hiam na cih uh leh, man tawh a kilei zo na hi uh hi. Tua ahih ciangin na pumpi sung uhah Pasian na phat un.

ROM (Romans) 6:22

Tu-in mawhna’ khut sung pan na suakta uh a, Pasian’ sila suak khin na hih ciangun siangtho nadingin phattuamna na ngah uh a, a tawpna-ah nuntak tawntungna na ngah ding uh hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Malakhi 3:17

Topa in hih bangin ci hi: “Tua a kiciamteh mite pen keima mite hi ding uh hi. Keimah in na ka sep ni ciangin, amaute in keima neihtuam taktak mite hi ding uh hi. Pa in ama thu a mang a tapa a hehpih mah bangin, kei zong amaute ka hehpih ding hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 3:17

Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Ezekiel 36:38

Tu hun-in a sia-a a omcip khuapite pen, a kiseh pawi hun ciangin biak nadingin a kipaipih, Jerusalem-a tuu honpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Jeremiah 32:38

Amaute ka mi ahi ding uh a, keimah in amaute’ Pasian ka hi ding hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Isaiah 44:5

Khat in, ‘Keimah in Topa aa ka hi hi,’ ci-in, a dang khat in Jakob’ min tawh ama min lo ding a, a dang khat leuleu in, ‘Topa aa,’ ci-in ama khut tungah gelhin, Israel min tawh amahmah kinophuah ding hi.”

Solomon la 6:3

Ka ngaihno, kei aa hi a, kei in ama aa hi’ng. Amah in unok pak lakah a tuute gamtasak hi. Tangval in A Lawmnu Phat Tangval:

Solomon la 2:16

Ka ngaihno in keima aa hi; kei in ama aa hi’ng. Amah in unok paakte lakah a tuu cing a,

Late 143:12

Kei pen nangma nasem ka hih manin na itna kip tawh kituakin ka galte khenkhia in la, ka langte khempeuh susia in.

Late 135:4

Bang hang hiam cih leh Topa in ama adingin Jakob teel a, ama neihsa dingin Israel teel khin ta hi.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

Thu-hilhkikna 32:9

Ahi zongin Topa’ tanh in ama mite hi a, Jakob suante pen a kipia ama luah ahi hi.

Paikhiatna 19:5

Tua ahih ciangin tu-in note in ka thu mang-in ka thuciamna na zuih uh leh mite khempeuh lak panin note in keima' neihsa na hi ding uh hi; bang hang hiam cih leh leitung khempeuh keima aa hi a,