Sawltak 27:2 - Tedim Bible

² Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

Tedim Bible Revision 2017

² Adramittium khua teembaw khawlna panin Asia gam lam manawh dingin a kithawi teembaw ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.

Sawltak 27:2 Referans Kwoze

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

Kolose 4:10

Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

Sawltak 28:16

Rom khua-ah ka tun’uh ciangin Paul in a cing galkap tawh a ut bangin a om theih na’ng thu a ngah hi.

Sawltak 28:12

Sirakhas khua tungin ni thum ka taam uh hi.

Sawltak 28:10

Tua mite in lungdamna tampi hong pia uh a, teembaw tungah ka tuan’ kik uh ciangin ka sapnate uh teembaw tungah a koih uh hi.

Sawltak 28:2

Guahzu a, khua dam ahih ciangin tua gam mite in mei cihin kote khempeuh pha takpi hong hehpih uh hi.

Sawltak 21:5

Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Sawltak 19:19

A tawm hi lo aisan theite in zong amau laibute hong paipih uh a, mi mai-ah mei-in a hal uh hi. Hih laibute’ man a kiseh ciangin ngun thennga man ahih a kithei hi.

Sawltak 17:1

Amaute in Amfipolis khua leh Apollonia khua-ah a ban’ khit uh ciangin, Thesalonika khua-ah a tung uh hi. Tua khua-ah Judah mi kikhopna inn a om hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Sawltak 2:9

Parthia mi a kipan Media mi, Elam mi, Mesopotamia gam, Judah gam, Kappadokia gam, Pontas gam, Asia gam,

Luka 8:22

Ni khat Zeisu in a nungzuite tawh gunkuang ah a tuang hi. “Tuili gal khatah pai ni,” a cih khit ciangin a pai uh hi.