Sawltak 27:13 - Tedim Bible

¹³ Khang lam huih in damtakin hong nun’ ciangin kipai thei ding hi ci-in ngaihsunin khawlna sikkawi lian a khai khit uh ciangin a pai uh a, Krete tuipi gei kinai-ah a pai uh hi.

Tedim Bible Revision 2017

¹³ Leitaw lam panin huih hong nun hiauhiau ciangin eiʼ deihna bang hi, ci-in ngaihsun uh ahih manin teembaw khihna sikkawipi kai khiato uh a, Khawlmun Nuam panin Krete tuikulh a kineh thei zahzahin neh kawmin ka pai uh hi.

Sawltak 27:13 Referans Kwoze

Luka 12:55

Khanglam pan huih hong nung na muh uh ciangin, ‘Ni hong sa ding hi,’ na ci uh hi. Na cih uh mah bangin ahi thei hi.

Solomon la 4:16

Saklam huih aw, hong nungsuk in la, khanglam huih aw, hong nungto in. Ka huan sung teng hong namtui sak un. Ka ngaihno, ka huan ah hong paisak un la, a gah limcipente hong ne sak un.

Late 78:26

Amah in vantungah nisuahna huih nungsak-in, ama vangliatna tawh leitaw lam huih paikhiatpih a,

JOB (Job) 37:17

Leitaw lam huihvot a nun’ lai takin, na puan sungah khua-ul kai-in na om hi.

Sawltak 2:11

Judah mi ahi zongin, Judah ngeina sungah a tum mite ahi zongin, Krete leh Arab ahi eite khempeuh in Pasian’ nalamdangte eite’ kam tawh hong gen uh i za hi!”a ci uh hi. Amaute khempeuh in lamdangsa-in lung-am uh a, “Bang ahi hiam?” ci-in khat leh khat a kikum uh hi.

Sawltak 27:8

Krete gam pamah pai-in Lasia khua tawh kinai Khawlmun Nuam kici mun khatah haksapi-in ka tung uh hi.

Sawltak 27:12

Tua teembaw khawlna munah phalbi sung tawntung om huai lo ahih ciangin, “Tua lai mun pan paikhia-in Foenik khua i tun’ zawh leh, phaibi sung tawntung tua lai-ah tam leng a hoihzaw ding hi,” ci-in mi a tamzaw in a gen uh hi. Foenik khua in Krete gam teembaw khawlna mun hi a, saklam nitumna leh khanglam nitumna lam a maingat khawm hi.

Sawltak 27:21

Amaute in an ne loin, sawt veipi a om khit uh ciangin Paul in amaute laizangah ding-in “Tote aw, ka thu na ngaih uh leh, Krete gam panin pai loin na om le-uhcin, hih kisiatna tawh na kipelh ding uh hi.

Titu 1:5

Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Titu 1:12

Amau lakah amau mipawl ahi kamsangpa khat in: “Krete mite in a zuau thei mi, ganhing gilo, anhai thadah mi ahi uh hi,” a ci zo hi.