Sawltak 27:1 - Tedim Bible

¹ Italy gam teembaw-ah tuangin ka pai ding uh a kitel khit ciangin, Julias min nei Augustus pawl galkap mangpa’ khut tungah Paul leh thong sunga kikhum midangte a pai uh hi.

Tedim Bible Revision 2017

¹ Italy gamah teembaw tawh ka pai ding uh thu a khen khit uh ciangin Paul le thong kia dangte pawl khat, “Kumpipaʼ Galkapte,” a kici Rom galkapte a uk bu Juliasʼ khut sungah a ap uh hi.

Sawltak 27:1 Referans Kwoze

Sawltak 25:25

Amah in sihna thuak ding akilawm mawhna ahih loh ka thei a, kumpi lianpa kiangah azukhan nuam ahih ciangin, a pai nading thu ka khensat hi.

Sawltak 25:12

Tua ciangin Festas Mangpa in upate tawh a vaihawm khit ciangin, “Nang in ‘Kaisar Kumpipa kiangah azu ka khan ding hi,’ na ci ahih ciangin, Kaisar Kumpipa kiangah na pai ding hi,” a ci hi.

Sawltak 10:1

Kaisaria khua-ah Italy kici galkap kuan khat a uk, galkapbu Kornelias kici mi khat a om hi.

Sawltak 27:11

Ahih hangin galkap mangpa in Paul’ kam ngai loin teembaw ukte leh teembaw neite thu a ngai hi.

Sawltak 18:2

Tua lai takin Klaudia kumpipa in Judah mi khempeuh Rom khua pan a paikhiat nadingun thu pia zo ahih ciangin Pontas gammi ahi, a min Akuila kici Judah mi khat a zi Prisilla tawh, Italy gam panin a sawt loin hong tung uh a, Paul in a muh ciangin a kiangah a tung hi.

Hebru 13:24

Note hong uk mite khempeuh leh misiangthote khempeuh na hopih un. Itali mite in note hong hopih uh hi.

Sawltak 28:16

Rom khua-ah ka tun’uh ciangin Paul in a cing galkap tawh a ut bangin a om theih na’ng thu a ngah hi.

Sawltak 27:43

Ahih hangin galkap mangpa in Paul a suahtaksak nop maninah galkapte’ hihna kham a, “Tui peek siamte in peek masa uh a, lei tungah a tung masa ding uh hi.

Sawltak 27:6

Tua khua-ah Italy gamah a pai ding Alekzandria teembaw khat galkap mangpa in mu a, tua teembaw tungah kote hong tuang sak hi.

Sawltak 24:23

“Paul thong sungah khum loin, kicingin om hen. Ama lawmte in ama kiangah pai-in, an a piak nop uh leh, na kham kei un,” ci-in galkap bupa kiangah a vaikhak hi.

Sawltak 23:17

Paul in galkap khat sam a, “Hih tangval galkap mangpa kiangah va kha in. Bang hang hiam na cih leh, thugen ding khat a nei hi,” a ci hi.

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Sawltak 22:26

Galkap bupa in tua thu a zak ciangin galkap mangpa kiangah pai a, “Bang na cih ding hiam? Hih mi in Rom mi ahi hi,” a ci hi.

Sawltak 21:32

galkapte leh bute a manlangin kisam a, tua mite kiangah a taisuk uh hi. Amaute in galkap mangpa leh galkapte a muh uh ciangin, Paul sat nawn lo uh hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Sawltak 16:10

Paul in mang a muh khit ciangin Makedonia gamah pai-in, amaute kiangah Lungdamna Thu hilh dingin Pasian in kote hong sawl zo hi ci-in ka ciamteh ka ngaihsun uh ahih ciangin, tua gamah thakhatin pai na’ng ka hanciam uh hi.

Sawltak 10:22

amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Luka 23:47

Galkap mangpa in tua thu piangte a muh ciangin, “Hih pa in mi diktat mi ahi hi,” ci-in Pasian’ min a phat hi.

Luka 7:2

Galkap mangpa khat in a it mahmah nasempa khat nei a, tua nasempa cina-in a si dek tak hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Kah la 3:27

Na khangno’ lai-in thuakzawh hat ding kisin leteh hoih pen hi.

Paunak 19:21

Mihing’ ngaihsutna ah thu tampi om a, ahi zongin Topa’ deihna tawh a kituakte bek kimang ding hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Late 33:11

Topa’ thu ngaihsutna kip ngitnget a, a lungsim ngaihsutna khang tawntungin kip hi.

Piancilna 50:20

Note in ahih leh, kei’ tungah a sia dingin na ngaihsun uh hi; ahih hangin Pasian in tu ni hun-a mah bangin mi tampite a nuntak theihna a pian’ nadingin a hoih dingin a ngaihsut ahi hi.

Sawltak 28:1

Ka suahtak khit uh ciangin Malta tuikulh gam hi cih ka thei uh hi.