Sawltak 26:5 - Tedim Bible

⁵ Judah ngeina tel takpi a zui pen pawl Farisai mi ka hihna hih mite in teci a pan’ nop uh leh, a thei masa bel ahi uh hi.

Tedim Bible Revision 2017

⁵ Koteʼ biakna sungah a hahkat phadiak Farisi pawl a kicite sunga ka om cil a kipanin ka nuntak zia khempeuh, a gen nop nak uh leh hong gen thei ding uh hi.

Sawltak 26:5 Referans Kwoze

Sawltak 23:6

Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Sawltak 22:5

Hih thu ah siampi liante leh upate khempeuh in kei lamah teci ahi uh hi. Amaute kiang panin zong ute naute kiangah vaikhakna lai ka ngah khit ciangin Damaskas khua-ah a omte zong daantat dingin, henin, Jerusalem khua-ah paipih dingin ka pai hi.

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Sawltak 15:5

Farisai pawl lakah a um kimkhat in a ding uh a, “Gentailte in vun at a, Moses’ Thukham a zuih na’ng uh thu hilh ding a kilawm hi,” a ci uh hi.