Sawltak 26:29 - Tedim Bible

²⁹ Paul in, “Nang akipan tuni-in ka thu a za khempeuh in hih sikkol sim lohin, thu tam tawh ahi zongin, thu tawm tawh ahi zongin, kei tawh kibang na suah theih nadingun Pasian kiangah thu ka ngen hi!” a ci hi.

Tedim Bible Revision 2017

²⁹ Paul in, “Nangmah a kipan tu ni-a ka thugen a za mi khempeuh hun tomno sung ahi a, hun sau sungin ahi zongin, hih bangin sikkhau hong kikhihna sim loh, keimah nong batkim nadingun Pasian kiangah thu ka ngen hi,” a ci hi.

Sawltak 26:29 Referans Kwoze

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

ROM (Romans) 10:1

Ute naute aw, Israel mite in gupna a ngah nadingun ka lungsim in deihin, Pasian kiangah thu ka ngetsak hi.

Sawltak 21:33

Tua ciangin galkap mangpa in va nai a, Paul a mat khit ciangin sikkhau nih tawh hen ding thu a piak khit ciangin, “Hih mi kua mi ahi hiam? Bang hih khial ahi hiam?” ci-in a dong hi.

2 KORIN NIHNA 11:1

Ka haina neukha note in na thuak le-uh teh ka ut hi.

1 KORIN MASA 7:7

Mi khempeuh in kei tawh kibangin om le-uh ka awi hi. Ahi zongin mi khempeuh in Pasian’ piakna mah bangin atuamtuam thupha a ngah ciat uh hi.

1 KORIN MASA 4:8

Tu-in na kicing zo uh hi! Sum na hau zo uh hi! Komau tawh loin na maang uh hi. Note tawh ka man’ theih nadingin note na maang takpi le-uh teh ka ut hi.

Sawltak 25:14

Sau veipi a om khit ciangin Festas Mangpipa in Paul’ thu kumpipa kiangah a gen-inah, “Feliks Mangpipa in thong sungah khumin a nutsiat mi khat a om hi.

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Johan 5:34

Ahih hangin ka teci pan’na thu in mite’ teci pan’na ahi kei hi. Note in gupna na ngah nadingun hih thu teng kong gen hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

2 KUMPI NIHNATE 5:3

Amah in a tonu kiangah, “Samaria ah a om kamsangpa tawh ka topa a omkhawm hi leh! Amah in a phakna damsak ding hi,” a ci hi.

2 SAMUEL NIHNA 18:33

Tua ciangin kumpipa lungsim nakpi takin sukha a, kulh kongpi tunga inndei sungah paito-in kap hi; a pai kawmin amah in, “Aw ka tapa Absalom, ka tapa, ka tapa Absalom! Nangma tangin kei sizaw taleng. Aw Absalom, ka tapa, ka tapa!” a ci hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi uh hiam? Topa’ mi khempeuh kamsang hi hen la, Topa in amau sungah ama lungsim guan leh ka cih lai tak hi!” a ci hi.

Paikhiatna 16:3

amaute' tungah, “Kote sabeel phungah tu-in ka kham takun an ka nek lai-un Izipt leitangah Topa in hong that khin hi zaw ta leh; bang hang hiam cih leh mihon buppi gilkialna tawh a that dingin note in gamlakah nong paikhiatpih uh hi,” a ci uh hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.