Sawltak 26:28 - Tedim Bible

²⁸ Agrippa in, “Nang in zolna thu tawm tawh kei Christian nong suaksak dektak hi,” ci-in Paul kiangah a ci hi.

Tedim Bible Revision 2017

²⁸ Tua ciangin Agrippa in Paul kiangah, “Hih hun tomno sungin Khristian hong suaksak zo dingin kingaihsun na hi hiam?” a cih ciangin

Sawltak 26:28 Referans Kwoze

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

1 PETER MASA 4:16

Ahih hangin Christian ahihna hangin gimna a thuak mi khat a om leh, zum kei hen; ahih hangin tua min puakna hangin Pasian’ min phat ta hen.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Sawltak 26:29

Paul in, “Nang akipan tuni-in ka thu a za khempeuh in hih sikkol sim lohin, thu tam tawh ahi zongin, thu tawm tawh ahi zongin, kei tawh kibang na suah theih nadingun Pasian kiangah thu ka ngen hi!” a ci hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Marka 6:20

Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Sawltak 26:27

Kumpipa Agrippa aw, nang in kamsangte thu um na hi hiam? Na um cih ka thei hi,” a ci hi.