Sawltak 26:20 - Tedim Bible

²⁰ Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Tedim Bible Revision 2017

²⁰ Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Sawltak 26:20 Referans Kwoze

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Mattiu 3:8

Mawhna kisik kikna tawh kilawm gah na gah un.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Mangmuhna 2:5

Tua ahih ciangin nang in bangci omna pan na kiam zawh thu na phawk kik khit ciangin na kisikkik in la, a cil-a na gamtat ngei na gamta kik in. Tua bang na hih kei leh, na kiangah ka hong pai ding a, na kisikkik kei leh, na meivakna a omna pan ka khin ding hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Mangmuhna 3:3

Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.

2 KORIN NIHNA 7:10

Bang hang hiam na cih uh leh, Pasian’ deihna tawh kituak dahna in hong gup nading tawh kizom kisik kikna lungsim hi a, a kikheel kik thei lo kisikna lungsim hong pia hi. Leitunga dahna in sihna a piangsak hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

2 KORIN NIHNA 3:16

Ahih hangin Topa kiangah a kihei uh ciangin tua a kisitna a kipaaikhia hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Sawltak 26:17

hilh a, teci-a pang za-ah nang kong koih nadingin nang kiangah ka hong kilang zo hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Sawltak 15:19

Tua ahih ciangin Gentailte lak pan Pasian kiangah hong kiheite bawlsia loin,

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 9:35

Lidda khua akipan Saron gamah a om mi khempeuhte in tua pa a muh uh ciangin Topa kiangah a kihei uh hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Luka 15:7

Ke’n kong cih-inah, tua bangin vantungah kisikkikna kisam a kisa lo sawmkua leh kuate sangin, mawhna a kisik migilo khat tungah nuamna a lianzaw hi.”

Luka 13:5

Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.

Luka 13:3

Ahi kei hi, kong ci hi. Note in zong na mawhna uh na kisikkik kei uh leh, tua mah bangin na kisia khin ding uh hi.

Luka 1:16

Israel mipawl tampi amau Topa Pasian kiangah a kiheisak kik ding hi.

Marka 6:12

Tuate paikhia uh a, mite mawhna kisik nading thuhilhin,

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Mangmuhna 16:11

Amau natna meimate hangin vantung Pasian a kosia uh hi. Amaute gamtatnate zong a kisik kei uh hi.

Mangmuhna 2:21

Tua numei a kisikkik nading hun ka hehpih zawh hangin, amah in a gitloh gamtatna a kisik nuam kei hi.

Kah la 3:40

I gamtatna sate ki-en pha kikin Topa lamah kihei kik ni.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Sawltak 26:19

“Tua ahih ciangin Agrippa Kumpipa aw, vantung mangmuhna ngai loin ka om kei hi.