Sawltak 26:16 - Tedim Bible

¹⁶ Ahih hangin tho in ding in, Judah mite leh Gentail mite khut sung pan nang hong gumkhia a, nang in na muhsa thute leh a nung ciangin kei in nang kiangah kong kilatsak ding thute,

Tedim Bible Revision 2017

¹⁶ Tu-in tho-in na khe-in ding in. Keima na a sem dingin a hong sawl dingin nang tungah a hong kilang ka hi hi. Tu ni-a kei nong muhna thu teng le nang tungah ka hong lah lai ding thu khempeuh, midangte tungah a gen ding na hi hi.

Sawltak 26:16 Referans Kwoze

Daniel 10:11

Amah in, “Daniel hong kizahtak mahmah pa aw, Ding in la, kong thu gente limtakin ciamteh in. Na kiangah thu gen dingin kei hong kisawl zo hi,” a hong ci hi. Amah in hi thu teng a hong gen khit ciangin liing kankan kawmin ka ding hi.

Ezekiel 2:1

Tua awging in, “Mihing ahi Ezekiel aw, ding to in. Nang tungah thu kong gen nuam hi,” hong ci hi.

1 TIMOTI MASA 1:12

Tua thu kei hong keemsak ahih ciangin tha hong dimsak i Topa Khazih Zeisu’ hehpihna ka phat hi.

Galati 1:12

mite kiang pan ka ngah ahi kei hi, mite kiangah ka sin zong ahi kei hi. Zeisu Khazih’ thupiakna hang bekin ka ngahna thu note kiangah ka hong zasak hi.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

Kolose 1:25

Tua ahih ciangin tanglai tawntung kiseelin a om hangin tu-in Topa’ misiangthote kiangah a kilak thu thuk ahi Pasian thu a vekpi-in hilh dinginah note adingin kei, zaa hong piak mah bangin kei in pawlpi sungah nasem ka suak zo hi.

Galati 2:2

Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

2 TIMOTI NIHNA 4:5

Nangmah na hih leh, na khempeuh sungah na lungsim na kikeem in, gimna thuak in, thuhilh sia’ na mah na sem in; nang nasep ding nasepna a vekpi-in na sem in.

1 TIMOTI MASA 4:6

Hih nate nang in ute naute kiangah na hilh leh, upna thu leh tu dongin nang na zuih thuhilhna a hoih tawh kivakin, Khazih Zeisu’ nasem hoihpa na hi ding hi.

1 THESALONIKA MASA 3:2

Khazih’ Lungdamna Thu hilhin, i sanggampa Timoti note kiangah ka hong sawl uh hi. Hih gimnate hangin kuamah a lungkiat loh nadingin, note hong kipsak a, na upna uh ah note hong hansuah nadingin amah ka hong sawl uh hi.

Kolose 1:7

Kote ading Khazih’ nasem muanhuai, ka it uh sila ka hih khawmpih uh Epafras in note hong hilh bangin, note in na zak uh Pasian’ hehpihna a man taka na theih ni uh pana kipan tua nopna na ngah uh hi.

2 KORIN NIHNA 5:18

Na khempeuh Pasian panin a piang hi. Pasian in Khazih hangin amah tawh hong kilemsak a, tua kilemna thu tawh kipawl nasepna za kote hong pia hi.

2 KORIN NIHNA 4:1

Tua ahih ciangin komau in tua nasepna za ka ngah uh ahih ciangin, a hong hehpihna thupha ka ngah uh mah bangin thanem lungkiatna ka nei kei uh hi.

Sawltak 22:10

Keimah in zong, ‘Topa aw, bang ka hih ding hiam?’ ci-in ka dot ciangin, ‘Tho in la, Damaskas khua sungah na tum ding hi. Tua khua panin na nasep ding vaikhakna thu khempeuh hong kihilh ding hi,’ hong ci hi.

Sawltak 21:19

Paul in tua mite a hopih khit ciangin ama thuhilh nasepna hanga Pasian in Gentailte tungah ahihna thu khempeuh khat nungah khat a gen hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.

Sawltak 1:25

Judas in ama omna phualah pai dingin thuhilh-za leh sawltak-za pan tawp kik a, tua za a ngah dingin hih mi nih lakah na teel penpen hong lak in,” ci-in thu a nget khit uh ciangin lai-ai a san uh a,

Luka 1:2

eite lakah a hong piangsa thu teng, eite hong zaksak a kizomin lai a gelh mi tampi a om hi.

Sawltak 26:15

‘Topa aw, nang kua na hi hiam?’ ci-in ka dot leh, ‘Na hong bawlsiat Zeisu ka hi hi.

Efesa 3:3

nidang lai-inah thu tawm ka gelh mah bangin, Pasian’ thupiak kholhna hangin thuthuk hong kilang sak hi.