Sawltak 26:13 - Tedim Bible

¹³ ni sangin a tangzaw, kei leh kei tawh hong paikhawmte kimkot ah hong taang, sun lai takin vantung pan khuavak khat ka mu hi, Kumpipa aw,

Tedim Bible Revision 2017

¹³ Tua hi a, kumpipa aw, Damaskas khua ka tun ma sun laitakin kei leh ka tonpih miteʼ kiimah sun sangin a taang zaw khuavak khat vantung panin hong taangzaih hi.

Sawltak 26:13 Referans Kwoze

Mattiu 17:2

amaute mai-ah a meel kilamdang a, a maitang ni bang tang a, a puan in khuavak tawh kibangin a ngo hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Sawltak 22:6

“Lampi ka pai lai takin Damaskas khua ka naih ciangin, sun lai takin vantung panin khuavak a taang mahmah ka kimkot ah thakhatin hong taang hi.

Sawltak 9:3

Amah lam pai a, Damaskas khua a naih ciangin vantung pan khuavakpi in ama kimkot ah thakhatin a taang hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Sawltak 22:9

Keimah tawh a tonkhawmte in khuavak a muh uh hangin kei kiangah hong genpa’ aw a za kei uh hi.

Sawltak 26:12

“Tua ahih ciangin siampi liante thupiakna leh lai pua-in Damaskas khua lampi ka pai lai takin,

Sawltak 26:14

Kote khempeuh in lei tungah ka puk lai takun, ‘Saul aw, Saul aw, bang hangin hong bawlsia na hi hiam? Ciang hiam na khe tawh peek leteh a haksa hi,’ ci-in Hebru kamin a hong ci aw khat ka za hi.