Sawltak 26:11 - Tedim Bible

¹¹ Mite in Pasian tungah a pau khialh nadingin thatang hat thu-in hanciamin, kikhopna inn khat pan khat ah tamveipi ka pai hi. Nakpi-in ka heh maninah gamdangte khua dongin amaute ka bawlsia hi.

Tedim Bible Revision 2017

¹¹ Kikhopna inn khempeuh ah amaute gim ka thuaksak zelzel a, a thu upnate uh ka khawlsak hi. Amaute tungah heh lua mahmah ka hih manin gamdang nangawn ah pai-in thu umte ka bawlsia hi.

Sawltak 26:11 Referans Kwoze

Sawltak 22:19

Keimah in zong, ‘Topa aw, nangmah hong umte thong sungah ka khum a, kikhopna inn khempeuh sungah ka sat hi ci-in amaute in hong thei uh hi.

Sawltak 13:45

Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Sawltak 22:5

Hih thu ah siampi liante leh upate khempeuh in kei lamah teci ahi uh hi. Amaute kiang panin zong ute naute kiangah vaikhakna lai ka ngah khit ciangin Damaskas khua-ah a omte zong daantat dingin, henin, Jerusalem khua-ah paipih dingin ka pai hi.

Sawltak 9:1

Saul in Topa’ nungzuite langpanin tawng a, thah dingin nakpi-in a nakkhiat lai takin,

2 PETER NIHNA 2:16

ama mawhna hangin taaina a thuak hi. Bang ci-a thuak hiam na cih uh leh, kam a pau thei lo la khat in, mi kam pau tawh pau-in tua kamsangpa’ haina a kham hi.

Jeim 2:7

Note hong kiphuahna min ngaih amaute in a gensia uh hilo ahi hiam?

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin

Luka 21:12

Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Luka 15:17

A lungngaih kik ciangin, ‘Ka pa’ inn sungah nasemte khamval bangzah tak a om hiam! Kei ka hih leh hih gamah gilkialin puksi dek takin ka om hi.

Luka 6:11

Ahih hangin amaute heh mahmah uh a, Zeisu tungah, “Bangci i hih ding hiam?” ci-in khat leh khat a kikum uh hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Marka 3:28

“Ke’n aman takpi kong cih-inah mawhna leh Pasian gensiatna khempeuh maisak nading thu mite in a ngah ding uh hi.

Thuhilh-sia 9:3

Mi khempeuh’ thumong kibang kim a, hih thu in leitunga thupiang lakah a man het lo khat ahi hi. Mihingte a nuntak lai teng, gitlohna leh a mawkna thu tawh a lungsim uh kidim a, theih kholh lohin mihingte si pak uh hi.

Late 102:8

Sun nilohin ka galte in kei hong zahko a, kei hong simmawhte in ciamsiatna-in ka min zang uh hi.