Sawltak 26:10 - Tedim Bible

¹⁰ Jerusalem khua-ah tua bangin ka hih zo hi. Siampi liante kiang pan thu ka ngah khit ciangin misiangthote thong sungah ka khia hi. Amaute in sihna a thuak uh ciangin ka thukim hi.

Tedim Bible Revision 2017

¹⁰ Tua mah bangin Jerusalem khua sungah ka sem pah a, siampi liante tung panin thu ngahna tawh Pasianʼ mi tampi thong sungah ka khum hi. Tua mite a sih nadingun thu a kikhen ciangin zong a thukimpih pawl ka hi hi.

Sawltak 26:10 Referans Kwoze

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Sawltak 9:21

Thu a za mite in lamdang a sa uh a, “Hih pa in Jerusalem khua sungah tua min tawh thungente a bawlsiapa hilo ahi hiam? Amaute khau-in a hen khit ciangin siampi liante kiangah paipih dingin hih lai takah hong pai hi,” a ci uh hi.

1 KORIN MASA 15:9

Keimah in a beisa hunin Pasian’ pawlpite a bawlsiapa ka hih ciangin a neubel sawltak ka hi a, sawltak kici dinga kilawm ka hi kei hi.

Sawltak 9:26

Saul Jerusalem khua a tun’ ciangin nungzuite tawh kipawl ding a ut hangin amaute in Saul nungzui a suahna taksang loin a kihta uh hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

Sawltak 7:58

khua nawlah a hawlkhiat khit uh ciangin suang tawh a deeng uh hi. Teci a pangte in a puan uh Saul kici tangvalpa khat khe kiangah a koih uh hi.

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Efesa 1:1

Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.

Galati 1:13

Bang hang hiam na cih uh leh, nidang lai-in Judah ngeina zui-in ka om a, ka gamtat ahi Pasian’ pawlpi a kigen thei loin ka bawlsiat a, ka sukgawp thu ahi zongin,

Sawltak 9:41

Ama mit hak a, Piter a muh ciangin tho-in, a tu hi. Piter in a khut lenin a din’sak khit ciangin misiangthote leh meigongte sam a, Dorkas a nungta-in a lak hi.

Sawltak 9:32

Tua lai takin Piter in mun khempeuh ah a kawivak lai takin Lidda khua-ah a om misiangthote kiangah a tung hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.