Sawltak 25:8 - Tedim Bible

⁸ Paul in, “Keimah in Judah ngeina Thukham ahi zongin amau biakna innpi tungah ahi zongin, Kaisar Kumpipa tungah ahi zongin ka khial kei hi,” a ci hi.

Tedim Bible Revision 2017

⁸ Paul in, “Jew miteʼ Thukham ahi a, Rom gam uk kumpipa tungah ahi zongin ka khialhna bangmah om het lo hi,” ci-in a kisut hi.

Sawltak 25:8 Referans Kwoze

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Sawltak 24:12

Biakna innpi sungah kuamah tawh ka kinialna hong mu kei uh hi. Kikhopna inn sung ahi zongin, khua sung ahi zongin, mihonpite ka hansuahna amaute in hong mu kei uh hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Sawltak 28:21

Tua mite in “Nang thu zaksakna lai Judah gam panin ka ngah kei uh hi. Tua gam pan a hong tung a, nangmah hong mawhsak ute naute kuamah a om kei hi.

Jeremiah 37:18

Tua ciangin Jeremiah in kumpipa Zedekiah’ kiangah, “Kei thong nong kiatsak nadingin nang tungah ahi zongin, na nasemte’ tung leh hih mite tungah ahi zongin bang khialhna hong bawl ka hi hiam?

Sawltak 25:10

Paul in zong, “Kaisar Kumpipa’ thukhenna tokhom mai-ah ka ding hi, hih tokhom mai-ah kei’ thu nong khensak ding kilawm hi. Nang na theih bangin Judah mite tungah bangmah ka mawh kei hi.

Sawltak 24:6

Tua tham loin, amah in biakna innpi a simmawh ciangin ka man uh hi. (Kote Thukham bangin amah thusit ding ka geel zo uh hi;

Sawltak 23:1

Paul in upate a tel takpi-in en a, “Ute naute aw, tuni dongin Pasian mai-ah keimah pumpi ka kimawhsak nading om loin ka om hi,” a cih ciangin

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

Piancilna 40:15

Bang hang hiam cih leh Hebru mite’ gam panin kei hong kigu-khia hi; hih lai-ah zong amaute in thong mial sungah kei hong koihna dingin bangmah mawhna ka bawl kei hi,” ci hi.

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.