Sawltak 25:7 - Tedim Bible

⁷ Paul a tun’ ciangin Jerusalem khua pan hong pai Judah mite in amah uumin, teci a lak zo lo, a lian mahmah mawhna tampi tawh Paul a mawhsak uh hi.

Tedim Bible Revision 2017

⁷ Paul hong kipaipih ciangin Jerusalem khua panin a hong pai Jew mite in amah umcih a, thu lian pipi tawh Paul a mawhsakna uh tampi gen uh a, ahi zongin a mawhsaknate uh man hi, ci-in a lahtel theih uh bangmah om lo hi.

Sawltak 25:7 Referans Kwoze

Sawltak 24:13

Tua tham loin, kei tungah hong mawhsakna thu a gentel dingin teci hong lak thei kei uh hi.

Sawltak 25:24

Festas in, “Kumpipa Agrippa akipan kote tawh a omkhawm mite aw, hih pa na mu uh hi. Jerusalem khua leh hi lai-ah Judah mite khempeuh in ama thu kei hong ko uh a, ‘Amah in tomkha nangawn nungta ding a kilawm kei hi,’ hong ci uh hi.

Luka 23:10

Tua lai takin siampi liante leh laitheite ding-in nakpi-in a mawhsak uh hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Late 27:12

Ka langte’ deihna bangin kei hong nusia kei in; bang hang hiam cih leh teci man lote ka langah pang khin a, amaute in ngongtatna hu sangkhia uh hi.

Sawltak 21:28

mi honpite hansuahin, “Israel mite aw, hong huh un! Hih pa in ei mi pawlte ahi zongin, Thukhamna ahi zongin, hih mun ahi zongin, a kituak loin bawl a, mun khempeuh ah mi vekpi kiangah thu a hilh hi. Tua tham loin Grik mite biakna innpi sungah lut sakin, hih mun siangtho a nin sak hi,” ci-in a man uh hi.

Late 35:11

Mi a el tecite hong kipan uh a, ka theih loh thute kei hong dong uh hi.

Esther 3:8

Tua ciangin Haman in Kumpipa Ahasu-eras’ kiangah, “Na ukna gam tuamtuam sunga mite lakah a om kawikawi, amau a tuam om mi pawl khat om hi. Amau’ ngeinate pen midangte’ aa tawh kibang lo hi; amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Mattiu 15:1

Tua khit ciangin, Jerusalem khua panin Farisaite leh laitheite Zeisu kiangah va pai uh a,

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!