Sawltak 25:10 - Tedim Bible

¹⁰ Paul in zong, “Kaisar Kumpipa’ thukhenna tokhom mai-ah ka ding hi, hih tokhom mai-ah kei’ thu nong khensak ding kilawm hi. Nang na theih bangin Judah mite tungah bangmah ka mawh kei hi.

Tedim Bible Revision 2017

¹⁰ Paul in, “Keimah thu hong kisit nading munin a kilawmna, gam uk kumpipa thukhenna mai ah ka va ding ding hi. Nang mahmah in zong teltakin na theih ding bangmahin Jew mite tungah bangmah siatna ka bawl kei hi.

Sawltak 25:10 Referans Kwoze

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Sawltak 28:18

Amaute in kei hong dot khit uh ciangin sih nading mawhna thu a muh loh uh ciangin, hong khah nuam uh hi.

Sawltak 26:31

a paikhiat khit uh ciangin, “Hih mi in sih nading ahi zongin, kikhum nading ahi zongin a bawl kei hi,” ci-in khat leh khat a kikum uh hi.

Sawltak 25:25

Amah in sihna thuak ding akilawm mawhna ahih loh ka thei a, kumpi lianpa kiangah azukhan nuam ahih ciangin, a pai nading thu ka khensat hi.

Mattiu 27:18

Bang hanga hih bang dong ahi hiam i cih leh, amaute in Zeisu a een’ man-unah a piak uh a thei hi.

Sawltak 25:17

Tua mite in hih san takah hong kikhop uh ciangin khawl loin, a zing ciangin thukhen tokhom tungah tu-in tuapa ka samsak hi.

Sawltak 25:6

Festas in amaute lakah ni giat bang, ni sawm bang a taam khit ciangin Kaisaria khua-ah pai a, a zing ciangin thukhen tokhom tungah tu-in Paul a samsak hi.

Sawltak 23:29

A kithahna ding ahi zongin, thong sungah a kikhum nading ahi zongin a kilawm a khialhna hang ahi lo, amau thukham thu bek in a mawhsak uh hi cih ka thei hi.

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.