Sawltak 24:25 - Tedim Bible

²⁵ Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Tedim Bible Revision 2017

²⁵ Ahi zongin Paul in thu gengenin, a hoihin a gamtat nading, pumpi ki-uk zawh nading le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Sawltak 24:25 Referans Kwoze

Johan 16:8

A hong tun’ ciangin, mawhna, siangthona leh thukhenna leitung mite kiangah a pulak ding hi.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

2 PETER NIHNA 1:6

lungpilna tungah noptat khamna, noptatna khamna tungah thuakna, thuakna tungah Pasian biakna lamah nopsakna,

Galati 5:23

lungnemna, pumpi’ deihna khamna te ahi uh hi. Tua bangin a gamta mite thukham in a kham kei hi.

Sawltak 10:42

Amah in ‘Mi khempeuh kiangah thuhilh un la, mi nungta leh misite thu khen dingin Pasian’ koihsa mi in tua mi ahi hi ci-in teci na pang un,’ ci-in kote thu hong pia hi.

1 JOHAN MASA 3:7

Ka ta neute aw, lam hong khialsak thei dingin kuamah kizolsak kei un. A diktat mi in Topa a dik mah bangin a dik hi.

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.

Hebru 9:27

Mite in khatvei bek si-in tua nung ciangin thukhenna a thuak uh hi;

Hebru 4:1

Tua ahih ciangin Pasian’ nopsakna sungah tum zawh nading thu hong kiciamna in eite ading a om lai napi-in, note lakah khat peuhmah in a phak zawh loh khak ding lung hihmawhhuai hi.

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

1 JOHAN MASA 3:10

Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.

2 TIMOTI NIHNA 4:1

Pasian mai-ah ahi zongin, a nungta mi leh mi si tungah thu a khen ding Khazih Zeisu mai-ah ahi zongin, Zeisu hong kilat nading leh ama kumpigam suangin thu ka hong piakna in:

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Sawltak 24:15

Midik leh midik lote khempeuh in sihna pan a thokik ding hi ci-in amaute’ lamet bangin Pasian suangin ka om hi.

Sawltak 17:32

Amaute in misite hin’kikna thu a zak uh ciangin, kimkhat in a kosia uh hi, kimkhat in, “Hih thu tu nung ciangin ka ngaikik nuam uh hi,” a ci uh hi.

Sawltak 17:2

Paul in a ngeina bangin kikhopna innah tumin, amaute kiangah Nipi ni thumvei Lai Siangtho thu panin tuate tawh kiseel a,

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Haggai 1:2

Vanglianpen’ Topa in thu gen a, “Hih mite in, biakinn lamkik ding hun nai lo hi, ci uh hi,” a ci hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Amos 6:12

Sakolte, suangken tungah tai thei ngei a, bawngtalte tawh tuipi tung kikho thei ngei ahi hiam? Tua hi napi-in note in, thutang pen, gu na suaksak uh a, thuman zong, a khial na suaksak uh hi.

Amos 5:24

Thutang, tui bangin luang khiasak un la, thuman, a kang ngei lo lui tui bangin luangsak un.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.

Hosea 10:4

Amaute a kampi bek uh hi a, a kampi bek-un thu genin thuciamna bawl uh hi. Lo lai-a tumakuakte sungah gunei kiak a po mah bangin thusia neihna hong khang hi.

Hosea 7:5

I kumpipa in pawi a bawl ni-in amaute in uliante zu kham sakin haisak uh a, amau’ ngimna thei lopi-in kumpipa zong tua lakah hong kihel hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Jeremiah 23:29

Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Isaiah 61:8

Bang hang hiam cih leh keimah Topa in thutang deihin, mi’ nate suhna leh khialhna ka mudah hi; amaute tungah amau thaman thuman takin ka pia ding a,, tawntung thuciamna amaute tawh ka bawl ding hi.

Isaiah 55:6

“A kimuh theih hun lai-in Topa zong un la, a nai om lai-in amah sam un;

Isaiah 41:21

Na thu uh sung un, Topa in ci hi; na lahtel nopna teng uh gen un, Jakob’ Kumpipa in ci hi.

Isaiah 32:11

Nuam tak-a om hithiat numeite aw, liing un, nomau tum tak-a a lungmuangte aw, liinglawng un; na puan uh hawkkhia-in na tangguakun om un la, na kawng uhah puanhampi teeng un.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Isaiah 1:21

A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Hebru 12:21

Tua bang a kilatna in kihtakhuai mahmah ahih ciangin Moses in, “Keimah in kihta-in ka liing hi,” a ci hi.

ROM (Romans) 14:12

Tua ahih ciangin eite khempeuh in eima thu tekah Pasian’ thudotna i thuak ding hi.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

ROM (Romans) 2:16

Ka thuhilh Lungdamna Thu bangin Pasian in Zeisu Khazih tawh mite’ selsim lungngaihna a khen Ni ciangin tua bangin a khen ding hi.

Sawltak 26:28

Agrippa in, “Nang in zolna thu tawm tawh kei Christian nong suaksak dektak hi,” ci-in Paul kiangah a ci hi.

Sawltak 17:13

Ahih hangin Paul in Berea khua-ah Pasian’ thu a hilh thu Thesalonika khua Judah mite in a zak uh ciangin, Berea khua-ah hong pai uh a, mihonpi a hansuah khit uh ciangin, a nawngkai sak uh hi.

Sawltak 9:6

Ahih hangin tho in la, khua sungah tum in, na gamtat nadingin thu hong kihilh ding hi,” a ci hi.

Mattiu 22:5

Ahih hangin a sapte in thusim lo uh a, khat lo a kuan hi; khat sumzuakin a pai hi.

Daniel 5:30

Tua zan mahmah in Babilon kumpipa Belshazzar kithat a,

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Thuhilh-sia 12:14

Apha hita leh asia hita leh, a simtham-a i hih simte nangawn, i hihna khempeuh ah, Pasian in thu hong khen ding hi.

Thuhilh-sia 11:9

Khangnote aw, na khangno uh nuam sa un la, na khangno lai-un lungdam un. Na hih nop peuhpeuh uh hih un la, na ut bang bangun gamta un. Ahi zongin na gamtatna uh tawh kizui-in, Pasian in thu hong khen ding lamtak phawk gige un.

Thuhilh-sia 5:8

Kumpite in mizawngte gim ngah sakin, thuman thutangin na a kisep kei leh, lamdang sa kei in. Uliante pen amau’ tunga uliante in en uh a, tuate tungah a en sawn a lianzaw khat om lai hi.

Paunak 16:12

Thuman-a gamtatna bek in kumpi kipsak ahih manin, asia-a gamtat ding kumpite ut lo uh hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Late 99:1

Topa in uk hi; mihonte ling hen! Amah, Kherubte tungah tu hi; leitung liing ta hen!

Late 72:2

Amah in thumanna tawh na mite tungah thu khen hen la, na mizawngte’ tungah thutan’na tawh thu khen ta hen.

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

Late 11:7

Bang hang hiam cih leh Topa dik a, dik gamtatna deih hi; thutang mi in ama mai mu ding hi.

JOB (Job) 29:14

Thumanna puan bangin ka silh a, thuman in hong tuam hi. Thutang pen puanpi bangin ka silh a, thutang in hong tuam hi.

Ezra 10:9

Tua ahih ciangin Judah leh Benjamin mi khempeuh ni thum sungin Jerusalem ah hong kikhawm uh hi; tua in a kha kuana a ni sawmnih ni ahi hi. Tua hi a, Pasian’ inn mai inntual ah hih thu hangin mi khempeuh patau-in guah lakah liingin tu uh hi.

Ezra 10:3

Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

2 KUMPI NIHNATE 22:19

amaute gamkhing leh samsiatna a ngahte a suah nadingin hih mun leh a tungah a teeng mite tungah ka kam pauna na zak ciangin na lungsim kisikin Topa mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin vak kawikawi hi.

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

1 SAMUEL MASA 12:7

Tua ahih ciangin tu-in note leh na pu na pate uh adingin Topa in hotkhiatna a sepna thu khempeuh Topa mai note tungah hong gen in kong mawhsak theih nadingin ding lai dih un.

Sawltak 24:26

Paul in amah kisut nading golhguk a piak khak leh ci-in ummawhin tam veipi samin, a hopih hi.

Jeremiah 36:16

Tua thute khempeuh a zak khit uh ciangin lau-in khat leh khat a ki-en gapgap uh a, Baruk kiangah, “Hih thute khempeuh kumpipa’ kiangah i koh kul ding hi,” a ci uh hi.

Titu 1:8

Zindo a siam thei mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikeem zo mi ahi ding hi.